Дастаи мунтахаби ҷавонони Тоҷикистон (U-15) бо ҳамсолони худ аз Узбекистон бозиҳои дӯстона мегузаронад

ДУШАНБЕ, 01.08.2021 /АМИТ «Ховар»/. Дастаи мунтахаби ҷавонони Тоҷикистон даъвати нав таҳти раҳбарии сармураббӣ Зайниддин Раҳимов бо ҳамсолони худ аз Узбекистон ду бозии дӯстона анҷом медиҳад. Дар ин бора АМИТ «Ховар» бо истинод ба Федератсияи футболи Тоҷикистон хабар дод.

Бозиҳои дӯстона байни тимҳои ҷавонони Тоҷикистону Узбекистон то 15 -сола рӯзҳои 11 ва 13 август дар Варзишгоҳи марказии ҷумҳуриявии Душанбе баргузор мешаванд. Бозиҳо соати 19:30 оғоз мешаванд.

Ёдовар мешавем, ки мусобиқаи интихобии Ҷоми Осиё-2022 байни дастаҳои ҷавонон (U-16) тирамоҳи оянда баргузор мешавад.

Бозиҳои дӯстона 

11 август (чоршанбе) 

Оғоз — соати 19:30 

ТОҶИКИСТОН (U-15)-Узбекистон (U-15)

Душанбе, Варзишгоҳи марказии ҷумҳуриявӣ

13 август (ҷумъа)

 Оғоз — соати 19:30

ТОҶИКИСТОН (U-15)-Узбекистон (U-15)

Душанбе, Варзишгоҳи марказии ҷумҳуриявӣ

АКС аз ФФТ