ОЛИМОНИ ИМА ЭҲТИМОЛИ БА БЕМОРХОНА АФТОДАНИ ОДАМОНИ ЭМНАШУДА АЗ COVID-19-РО ТАХМИН КАРДАНД. Дар Тоҷикистон қариб 2 миллион нафар эм карда шудаанд
ДУШАНБЕ, 25.08.2021 /АМИТ «Ховар»/. Одамоне, ки бар зидди COVID-19 эм карда нашудаанд, 29 маротиба бештар эҳтимоли бо коронавирус дар беморхона бистарӣ шудан доранд, хулоса баровардаанд Марказҳои назорат ва пешгирии бемориҳо (CDC). Тавре АМИТ «Ховар» иттилоъ медиҳад, аз натиҷаҳои таҳқиқот портали Axios хабар медиҳад.
Зикр карда мешавад, ки 25 фоизи ҳама сироятҳо дар Лос -Анҷелес, ки аз 1 май то 25 июл сабт шудаанд, ба одамони эмшуда рост меоянд. 71 фисади дигари мубталоён эм нагирифтаанд ва 3 фоиз барои анҷом додани даври пурраи эмгирӣ вақт надоштанд. Тибқи натиҷаҳои таҳқиқот, онҳое, ки эм нагирифтаанд, назар ба онҳое, ки эм гирифтаанд, панҷ маротиба бештар гирифтори коронавирус мешаванд.
«Тақрибан 3% шахсони эмкардашуда дар беморхона бистарӣ шуданд, 0,5% дар шуъбаи бемориҳои шиддатнок буданд ва 0,2% ба нафасдиҳии сунъӣ ниёз доштанд. Аз миёни эм нагирифтагон тақрибан 8% дар беморхона бистарӣ шуданд, 1,5% дар шуъбаи эҳё ва 0,5% ба дастгоҳи ҳаводиҳии шуш пайваст буданд», –гуфта мешавад дар таҳқиқот.
Қаблан як назарсанҷӣ нишон дод, ки амрикоиҳои эмнашуда аксаран на худашон, балки ҳамватанони эмшударо дар паҳн кардани гунаи «делта» -и коронавирус айбдор мекунанд.
Тавре АМИТ “Ховар” қаблан хабар дода буд, то 23 август 1 миллиону 891 ҳазору 850 шаҳрванди Ҷумҳурии Тоҷикистон бар зидди COVID-19 эм карда шудаанд. То имрӯз беш аз 363 895 шаҳрванди кишвар вояи дуввуми ваксина гирифтаанд. Дар ин бора Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.
Ёдовар мешавем, ки аз замони сар задани COVID-19 бо талошҳои пайвастаи Ҳукумати Ҷумҳурии Тоҷикистон барои ҳифзи аҳолӣ аз ин беморӣ ба кишвар 4 миллиону 160 ҳазору 740 воя ваксина ворид карда шуда, дар ин самт чораҳои амалӣ идома доранд.
Дар робита ба ин, бояд зикр кард, ки тибқи қарори Ситоди ҷумҳуриявӣ оид ба тақвияти чораҳои зиддиэпидемӣ барои пешгирии паҳншавии сирояти нави COVID-19 дар Ҷумҳурии Тоҷикистон, ки 3 июл нашр шудааст, эмкунии шаҳрвандони кишвар, ки синнашон аз 18 боло аст, ҳатмӣ мебошад. Одамоне, ки бар зидди коронавирус ваксина нагирифтаанд, бояд бо духтури оилавии худ ё муассисаи тиббии маҳаллӣ машварат кунанд. Ваксина ба шаҳрвандони мамлакат ройгон дода мешавад.
АКСИ тасвирӣ аз бойгонӣ
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
