Сафири Тоҷикистон бо Дабири кулли Созмони ҳамкории иқтисодӣ мулоқот кард
ДУШАНБЕ, 14.08.2021 /АМИТ «Ховар»/. 12 август мулоқоти Сафири Ҷумҳурии Тоҷикистон дар Ҷумҳурии Исломии Эрон Низомиддин Зоҳидӣ бо Дабири кулли Созмони ҳамкории иқтисодӣ (CҲИ) Ҳодии Сулаймонпур баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар мулоқот Сафири Тоҷикистон номаи Вазири корҳои хориҷии Ҷумҳурии Тоҷикистон ба Ҳодии Сулаймонпур, ки маъмурияташ дар вазифаи Дабири кулли Созмони ҳамкории иқтисодӣ 15 августи соли ҷорӣ ба анҷом мерасад, супорид. Дар нома Вазири корҳои хориҷии Ҷумҳурии Тоҷикистон саҳми Ҳодии Сулаймонпурро дар вазифаи мазкур пурсамар арзёбӣ намуда, ба ӯ дар фаъолиятҳои минбаъдааш муваффақиятҳои беш аз пеш орзу намудааст.
Ҳодии Сулаймонпур барои тақдир аз фаъолиятҳои ӯ дар вазифаи Дабири кулли СҲИ изҳори сипос намуда, аз Сафир хоҳиш кард, ки ба муносибати 30-солагии Истиқлоли Тоҷикистон табрикот ва таманниёти ӯро ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва мардуми шарифи Тоҷикистон расонад.
Ҳамзамон Ҳодии Сулаймонпур ба Сафири Тоҷикистон Тасдиқномаи пойтахти сайёҳии СҲИ эълон гардидани шаҳри Душанбе барои солҳои 2020 — 2021-ро ҷиҳати таҳвил ба шаҳрдории Душанбе супорида, ба ин шаҳри зебову дилоро сарсабзиву шукуфоии рӯзафзунро орзу намуд.
АКС аз ВКХ ҶТ
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
