1 сентябр Рӯзи амалиёти иттифоқҳои касаба барои сулҳ таҷлил мегардад

Сентябрь 1, 2021 14:04

ДУШАНБЕ, 01.09.2020 /АМИТ «Ховар»/. Имрӯз мутобиқи Қонуни Ҷумҳурии Тоҷикистон «Дар бораи рӯзҳои ид» дар ҷумҳурӣ Рӯзи амалиёти иттифоқҳои касаба барои сулҳ таҷлил мегардад.

Федератсияи иттифоқҳои касабаи мустақили Ҷумҳурии Тоҷикистон имсол 73-сола мешавад.  15 апрели соли 1926 Анҷумани I иттифоқҳои касабаи РАСС Тоҷикистон баргузор гардид, ки бо қарори он мақоми роҳбарикунандаи иттифоқҳои касаба-Тоҷиксовпроф таъсис дода шуд.

Соли 1948 Тоҷиксовпроф (ҳозира Федератсияи иттифоқҳои касабаи мустақили Ҷумҳурии Тоҷикистон ) аз нав таъсис дода шуд.

Дар робита ба ин сана раиси Федератсияи иттифоқҳои касабаи мустақили Тоҷикистон Маликшо Неъматзода ба хабарнигори АМИТ “Ховар” ибрози назар карда, гуфт, ки ҷашни ҳамешагии иттифоқҳои касаба барои сулҳ дар оғози ҳазорсолаи нав хеле тағйир ёфта, марому  мазмуни нав касб намудааст. Тараққиёти босуръати меҳнатӣ, пешрафт дар  истеҳсолот, олами нави системаи нанотехникӣ ва ғайра ба рӯи инсони муосир роҳҳои васеъро кушодаанд, ки ин бечунучаро пешравии бемайлони иқтисодиёти бисёре аз мамлакатҳоро боло бурдааст.

“Мо хуб медонем, ки фаъолияти иттифоқҳои касаба ва обрӯю эътибори онҳо дар байни аҳли меҳнат аз зиндагии бомаром, фазои сулҳу дӯстӣ, ҷои кори ҳамешагӣ, музди меҳнати арзанда ва шароити зисти шоиста, якдилию якпорчагӣ ва созандагию бунёдкорӣ дар мамлакат муайян мегардад”,-иброз намуд мавсуф.

Аз ин лиҳоз, иттифоқҳои касабаи Тоҷикистон  дар асоси ғояҳои тараққипарвар ва инсонпарварона, ки мақсаду маромашон ҳифзи манфиатҳои ҳуқуқӣ, иҷтимоӣ ва меҳнатии шаҳрвандон, сатҳи баланди зиндагӣ, дастгирии истеҳсолкунандагон, интизоми хуби меҳнат, пешрафти истеҳсолот, таъмини коллективҳои меҳнатӣ дар ҳалли масалаҳои ҳаётӣ мебошад, фаъолият дорад.

Ба зикри мавсуф, Тоҷикистон дар остонаи ҷашни бузург, яъне 30- солагии Истиқлоли  давлатии Ҷумҳурии Тоҷикистон  қарор дорад. Дар даврони  соҳибистиқлолӣ Тоҷикистон рушд ёфта, нишондиҳандаҳои макроиқтисодӣ ҳамасола афзоиш меёбанд, дар таърихи навини кишвар иншооти гуногуни азими саноатӣ, иқтисодӣ, иҷтимоӣ ва фарҳангӣ ба истифода дода шуданд. Тоҷикистон дар дохили кишвар роҳҳои ҳозиразамони ба талаботи байналмилалӣ ҷавобгӯ сохта, аз бунбасти коммуникатсионӣ баромад, истеҳсолоти маводи ғизоӣ ба роҳ монда шуд, ки тавассути он амнияти озуқаворӣ таъмин карда мешавад. Сохтмони неругоҳҳои энергетикӣ иқтидори энергетикии кишварро зиёд гардонида, амнияти энергетикии кишвар низ таъмин гардид.

Ҳоло ҳадафи чоруми стратегии кишвар, яъне саноатикунонии иқтисодиёти мамлакат босуръат иҷро шуда истодааст. Ҳамаи ин музаффарият аз сулҳу ваҳдат ва ҳаёти осоиштаи тоҷикон сарчашма мегирад.

Умед аст, ки сулҳу салоҳ, ваҳдату ягонагӣ, ҳамраъйӣ, ҳамкории созмонҳо, ҷамъиятҳо, ҳизбҳо ва пеш аз ҳама, меҳнати бунёдкоронаи хурду бузурги ҷомеа мамлакати моро  ба қуллаҳои баландтарини музаффарияти меҳнатӣ меоварад.

Аз ин лиҳоз, иттифоқҳои касаба даъват ба амал меоранд, ки дастуру ҳидоятҳои  Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон ҷиҳати содиқ будан ба ҳифзи манфиатҳои давлату ҷомеа, тарбияи ҷавонону наврасон дар рӯҳияи ватандўстӣ, хештаншиносӣ, эҳтироми анъана, расму оин ва ҳувияти миллӣ, ҳимояи арзишҳои ваҳдати миллӣ ба роҳбарӣ ва иҷро гирифта  шаванд.

Федератсияи иттифоқҳои касабаи мустақили Тоҷикистон ташкилоти  иттифоқҳои касабаи  ибтидоӣ, ноҳиявӣ, шаҳрӣ, вилоятӣ ва ҷумҳуриявиро ҳамчун шарики асосии ҷомеаи шаҳрвандӣ даъват  менамояд, ки барои тарғиби ҳаёти осоишта ва пойдории сулҳу ваҳдат дар ҷомеа саҳм гузоранд.

                                                                    АКС: АМИТ «Ховар»

Сентябрь 1, 2021 14:04

Хабарҳои дигари ин бахш

ҲАМЛАИ ТАҶОВУЗКОРОНАИ ҚИРҒИЗИСТОН. Имрӯз Раиси вилояти Суғд бо намояндагони ВАО мулоқот намуд
ПАС, ТАҶОВУЗКОР КИСТ? Сироҷиддин Муҳриддин аз минбари СММ натиҷаҳои ҳамлаи таҷовузкоронаи Қирғизистонро ба самъи ҷомеаи ҷаҳонӣ расонид
Фарҳод Раҳимӣ ҳамлаи таҷовузкоронаи Қирғизистонро ба шеваи таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод
ҲАМЛАИ ТАҶОВУЗКОРОНАИ ҚИРҒИЗИСТОН. Тибқи қисми 2-и моддаи 11-и Конститутсияи Ҷумҳурии Тоҷикистон ташвиқоти ҷанг манъ аст
БА ОСИЁБИ ДУШМАНОНИ МИЛЛАТ ОБ НАРЕЗЕД! Изҳороти Мақомоти иҷроияи ҳокимияти давлатии вилояти Суғд ба гузориши иғвоангези Радиои «Озодӣ»
НЕК АНДЕША КУНЕД! Муроҷиат ба мардуми Қирғизистон
Кумакҳои моддии Пешвои миллат ба оилаҳои аз низоъҳои наздисарҳадӣ зарардидаи вилояти Суғд дастрас гардиданд
ҲАМЛАИ ТАҶОВУЗКОРОНАИ ҚИРҒИЗИСТОН. Найранг ва иғвоангезии Садир Жапаров дар иҷлоси 77-уми Маҷмаи Умумии СММ
ҲАМЛАИ ТАҶОВУЗКОРОНАИ ҚИРҒИЗИСТОН. Муовини Раиси ноҳияи Мурғоб Абдулқаюм Мурзамат мегӯяд «бо паҳн кардани маълумоти бардурӯғ дар шабакаҳои иҷтимоӣ душманони ду миллат мехоҳанд вазъро нооромтар созанд»
«ЧУН ТЕҒ БА ДАСТ ОРӢ, МАРДУМ НАТАВОН КУШТ…». Имрӯз дар Тоҷикистон Рӯзи Рӯдакӣ таҷлил мешавад
«СУХАНРОНИИ ЖАПАРОВ МЕТАВОНАД САБАБИ БАДТАР ШУДАНИ ВАЗЪИ АМНИЯТ ДАР ОСИЁИ МАРКАЗӢ ГАРДАД». Чунин мешуморад сиёсатшиноси мустақил, номзади илмҳои сиёсӣ Шералӣ Ризоён
П Р О Т О К О Л. Тоҷикистон ва Қирғизистон санад дар бораи баргардонидани қувваҳои иловагӣ ва техникаҳои ҳарбиро ба маҳалли доимиашон имзо намуданд