Имрӯз Президенти Тоҷикистон дар иҷлоси Маҷмаи умумии СММ суханронӣ мекунанд
ДУШАНБЕ, 23.09.2021 /АМИТ «Ховар»/. Имрӯз Президенти Тоҷикистон, Пешвои миллат муҳтарам Эмомалӣ Раҳмон дар иҷлоси 76-уми Маҷмаи умумии СММ, ки дар ин рӯзҳо дар Ню-Йорк ҷараён дорад, тавассути видеоконфронс суханронӣ мекунанд. Сарвари давлат андешаҳои худро оид ба масъалаҳои мубрами рӯзномаи ҷаҳон ва роҳҳои ҳалли онҳо манзур хоҳанд кард. Аз ҷумла, он кас мавқеи расмии кишвари моро оид ба Афғонистон муайян менамоянд.
Қаблан Сарвари давлати мо доир ба вазъи Афғонистон ҳанӯз 22 июл ибрози назар намуда буданд. Он кас таъкид намуданд, ки ахиран вазъ дар ин кишвар, мутаассифона, боз ҳам мушкилтар ва фоҷиабортар гардида, боиси нигаронии ҷиддӣ дар кишварҳои минтақа ва ҷаҳон шудааст.
25 августи соли равон Президенти Тоҷикистон мавқеи кишвари моро дақиқтар ва возеҳтар баён карданд. Сарвари давлати мо гуфтанд, ки барои ҳалли фаврии мушкилоти амнияти сиёсии кишвари ҳамсоя бо иштироки ҳамаи ақаллияти миллӣ, аз ҷумла тоҷикони Афғонистон, ки зиёда аз 46% -ро ташкил медиҳанд, ҳукумати фарогир ташкил кардан зарур аст.
«Тоҷикистон ҳеҷ як ҳукумати дигареро, ки дар ин кишвар тавассути зулм ва таъқиб, бе назардошти мавқеи тамоми мардуми Афғонистон, хусусан тамоми ақаллияти миллии он таъсис ёфтааст, эътироф намекунад»,- иқтибос меоварад суханони Эмомалӣ Раҳмонро АМИТ «Ховар».
Сарвари давлат афзуданд, ки тоҷикон бояд дар ҳукумати ояндаи Афғонистон мавқеи шоистаро ишғол намоянд.
Ёдовар мешавем, ки иҷлосияи 76-уми Маҷмаи умумии СММ 14 сентябр ба кори худ оғоз кард. Мавзӯи ҷаласа «Таҳкими устуворӣ дар ҳаёт бо боварӣ ба беҳтаринҳо» мебошад. Дар доираи иҷлосия рӯзҳои 21-27 сентябр Ҳафтаи сатҳи баланд баргузор мешавад: 150 нафар сарони давлатҳо, ҳукуматҳо ва мақомоти корҳои хориҷӣ дар муҳокимаи мушкилоти мубрами ҷомеаи ҷаҳонӣ иштирок мекунанд. Миёни ин масоил яке аз муҳимтаринҳо вазъи Афғонистон аст.
АКС: Хадамоти матбуоти Президенти ҶТ/АМИТ «Ховар»
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
