Мактаби роҳбаладони сайёҳӣ дар як сол то 70 нафар роҳнамо омода менамояд
ДУШАНБЕ, 30.09.2021 /АМИТ «Ховар»/. Дар доираи барномаи Маркази омода намудани роҳбаладон дар бахши сайёҳӣ, ки дар Донишгоҳи славянии Русия ва Тоҷикистон амал менамояд, дар як сол то 70 нафар роҳнамоён омода карда мешаванд.
Чунин зикр шуд дар маросими оғози таҳсил дар маркази таҷрибавии Донишгоҳи славянии Русия ва Тоҷикистон, ки дар дараи зебоманзараи Ромит воқеъ аст.
Дар маросими оғози таҳсил ва машғулияти амалӣ Ректори Донишгоҳи славянии Русия ва Тоҷикистон Тоҳир Хоҷазода, Ҳамоҳангсози TICA дар Ҷумҳурии Тоҷикистон Иброҳим Эрбир, кормандони масъули Сафорати Ҷумҳурии Туркия дар Ҷумҳурии Тоҷикистон ва донишҷӯёну устодони Донишгоҳи славянии Русия ва Тоҷикистон иштирок намуданд.
Иштирокчиён оғози машғулияти амалиро дар самти омода намудани роҳбаладон ва ба ин васила саҳм гузоштан дар рушди соҳаи сайёҳии мамлакат муҳим арзёбӣ карданд.
Маркази омода намудани роҳбаладон дар бахши сайёҳӣ моҳи июни соли равон дар кафедраи сайёҳӣ ва хизмати Донишгоҳи славянии Русия ва Тоҷикистон бо мақсади саҳм гузоштан дар рушди туризм ва омода намудани роҳбаладону мутахассисони ҳирфаӣ дар бахши сайёҳӣ таъсис дода шудааст. Маркази мазкур дар доираи ҳамкории мутақобилан судманди Тоҷикистон ва Туркия аз ҷониби TICA таъмир ва бо тамоми таҷҳизоти зарурии марбут ба соҳаи сайёҳӣ таъмин гардидааст.
АКСҲО аз TICA
Донишҷӯёни Донишгоҳи байналмилалии сайёҳӣ ва соҳибкории Тоҷикистон ба даврҳои омӯзишии «Фарҳанги дастархондорӣ» ҷалб гардиданд
«Стратегияи рушди Донишгоҳи байналмилалии сайёҳӣ ва соҳибкории Тоҷикистон барои давраи то соли 2040» самаранок татбиқ мешавад
Соли 2025 ба шаҳри Душанбе беш аз 450 ҳазор сайёҳ ворид гардид
Донишгоҳи байналмилалии сайёҳӣ ва соҳибкории Тоҷикистон бо 28 муассисаи таҳсилоти олии хориҷӣ созишномаи ҳамкорӣ ба имзо расонид
НИШАСТИ МАТБУОТӢ. Дар даври якуми қабул ба Донишгоҳи байналмилалии сайёҳӣ ва соҳибкории Тоҷикистон беш аз 3 ҳазор донишҷӯ дохил шуд
Ҳамкории Тоҷикистон ва Муғулистон дар соҳаи сайёҳӣ густариш меёбад
Ҳайати Экспедитсияи байналмилалии «Саёҳат ба қалби Авруосиё» ба шаҳри Душанбе расид
Водии «Ҳафткӯл» бо кӯлҳои рангоранг ва табиати афсункораш диққати сайёҳонро бештар ҷалб менамояд
Имсол ба Вилояти Мухтори Кӯҳистони Бадахшон беш аз 17 ҳазор сайёҳ ворид гардидааст
Душанбе — пойтахти Тоҷикистон ба яке аз шаҳрҳои пешрафтаи сайёҳии дунё табдил ёфтааст
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
