ВАҲШОНИЯТ. Толибон нисбат ба қабри Аҳмадшоҳи Масъуд дар Панҷшер таҳқир раво дидаанд

Сентябрь 10, 2021 12:13

ДУШАНБЕ, 10.09.2021 /АМИТ «Ховар»/. Дар вақти задухӯрдҳо миёни ҷангиёни ҳаракати «Толибон»* ва Ҷабҳаи муқовимати миллии Афғонистон қабри Аҳмадшоҳи Масъуд зарар дид (ДАР АКС). Дар ин бора наворҳое, ки дар интернет пайдо шудаанд, гувоҳӣ медиҳанд.

Толибон қабри қаҳрамони миллии Афғонистонро, ки бар зидди террористон меҷангид, қисман хароб кардаанд. Онҳо як тахтасанги мармарии мақбараро дар оромгоҳи начандон калони падари раҳбари кунунии Ҷабҳаи муқовимат Аҳмад Масъуд пурра шикастаанд.

Наворҳое, ки дар Интернет пайдо шудаанд, шаҳодати ин ҳоланд. Дидан мумкин аст, ки на ҳама чиз дар атроф осеб дидааст, ба истиснои тахтасанге, ки эҳтимол бо чизи вазнине зарб хӯрдааст.

Ҷонибдорони муқовимат аллакай толибонро танқид карданд ва гуфтанд, ки толибон гузаштаро фаромӯш накардаанд.

АКС: © AFP 2021 / Massoud Hossaini

Қаблан толибон дар минтақаҳо низ «поксозӣ» анҷом дода, портретҳои ҳамаи қаҳрамонони миллӣ ва ҳатто як сурати девории шоири сӯфӣ Алишер Навоиро гирифта партофтанд.

Ҳамин тавр, 25 сол пеш, вақте толибон Мазори Шарифро ишғол карданд, бо булдозер қабри яке аз генералҳои маъруфро вайрон карда,  боқимондаҳои ҷасадро ба дарёи Ому партофта буданд.

Бист сол пеш, 26 феврали соли 2001 роҳбари толибон Мулло Умар фармон дод, ки ду ҳайкали азими Буддо дар Афғонистон нобуд карда шавад. Ин аввалин амали намоишӣ барои нест кардани ёдгориҳо дар ҳазорсолаи нав гардида буд. Пас аз он толибон ёдгориҳои беҳамтоеро, ки тамоми ҷаҳони мутамаддин барои наҷоти онҳо бенатиҷа даъват карда буданд, комилан нест карданд.

Ба ҳамаи ин нигариста, шеъри машҳури шоири тотор Мусо Ҷалил “Ваҳшоният” ба хотир меояд. Ҳуҷҷати шоиронаи ҷиноятҳои фашистон дар Ҷанги Дуюми Ҷаҳонӣ. Шеър моҳи октябри соли 1943 навишта шудааст. Муаллифи он дар он лаҳза 37 -сола буд ва камтар аз як соли дигари умраш боқӣ монда буд. Дар ҷанг ӯ хабарнигор буд …

                                               АКСҲО аз манбаъҳои боз

Сентябрь 10, 2021 12:13

Хабарҳои дигари ин бахш

РӮЗГОРИ ОДАМОНИ НАҶИБ. Исмоил Шафиев – марде, ки умрашро сарфи ободии Ватан кардааст
РӮЗИ ЁДБУДИ МАВЛОНО. Ҷалолиддин Балхии Румӣ ҳашт аср пеш бар зидди ифротгароӣ ва таассуби динӣ, ки толибон имрӯз дар Афғонистон паҳн мекунанд, мубориза мебурд
«АҲМАДШОҲИ МАСЪУД МИҚДОРИ ХОКЕ НЕ, БАЛКИ МАКТАБИ БУЗУРГИ ТАФАККУРИ ИНСОНИСТ!». Дар Душанбе маросими ёдбуди шаҳиди роҳи озодию сулҳи Афғонистон доир шуд
ШИРИНШОҲ ШОҲТЕМУР. Саҳми Қаҳрамони Тоҷикистон дар рушди маориф
НОМ ЧУ ҶОВИД ШУД… Агар умр вафо мекард, имрӯз булбули Шарқ Аҳмад Зоҳир 75-сола мешуд
РЎЗГОРЕ БАРОИ ИБРАТ: Иштирокчии ҷанг ва собиқ корманди милиса Абдувалӣ Қаюмов барои хизмати шоиста бо 20 медалу орденҳои дараҷаи баланд қадрдонӣ шудааст
«ҲАСТ ФАРЗАНДЕ МАРО ҲАМ ҚАҲРАМОН». Бозгӯи рӯзгори Розия Озод — модаре, ки аллома ва Қаҳрамони Тоҷикистонро ба дунё овардааст
РӮЗГОРИ ОДАМОНИ НАҶИБ. Ба зодрӯзи яке аз ходимони давлатӣ Алишер Ёрбобоев 70 сол пур шуд
ГЕНЕРАЛ ҶӮРАХОНЗОДА. Ба Рӯзи милитсияи тоҷик бахшида мешавад
29 ОКТЯБР – РӮЗИ КУРУШИ КАБИР. Эъломияи ҳуқуқи башари ин қаҳрамони миллати мо дар илми ҳуқуқшиносии ҷаҳон беназир аст
МУБАЛЛИҒИ ЗАБОНИ ТОҶИКӢ ДАР АВРУПО ВА АМРИКО. Агар умр вафо мекард, имрӯз профессор Манфред Лорентс ба синни 91 мерасид…
РӮЗГОРИ ОДАМОНИ НАҶИБ. 30 сентябр ба зодрӯзи коргардони маъруфти тоҷик Борис Кимёгаров 100 сол пур шуд