«Замин зиндагӣ аст!», «Корзори ному нанг»,- шарҳи матбуоти даврӣ

Сентябрь 30, 2021 11:39

ДУШАНБЕ, 30.09.2021 /АМИТ «Ховар»/. Матбуоти даврии Тоҷикистон ҳафтаи равон рӯйдоду  навгониҳоеро, ки дар ҳаёти сиёсию иқтисодӣ, иҷтимоию фарҳангии мамлакат ва ҷаҳон ба вуқӯъ пайвастаанд, дар саҳифаҳои худ инъикос намудаанд.

Нашрияи расмии Ҷумҳурии Тоҷикистон «Ҷумҳурият» дар  шумораи рӯзи сешанбе, 28 сентябр №193 (24 300) сафари Президенти Ҷумҳурии Тоҷикистон муҳтарам Эмомалӣ Раҳмонро ба Вилояти Мухтори Кӯҳистони Бадахшон пурра инъикос намудааст. Ҳамчунин дар ин нашрия зери  рубрикаи «Тоҷикистон» хабарҳо аз дохили мамлакат ба нашр расидаанд.  Дар ин саҳифа таҳти унвони «Замин зиндагӣ аст!» маводи таҳлилии директори Агентии беҳдошти замин ва обёрии назди Ҳукумати Ҷумҳурии Тоҷикистон Холмурод Раҳмон чоп гардидааст. Соҳаи беҳдошти замин ва обёрӣ яке аз бахшҳои асосии иқтисодиёти кишвар  ба ҳисоб меравад, ки барои равнақ бахшидан ба комплекси агроаноатӣ мусоидат менамояд. Муаллиф дар мақолаи худ татбиқи барномаҳои давлатӣ дар самти беҳдошти замин ва мушкилоти напардохтани ҳаққи истифодаи обро аз ҷониби истифодабарандагон таҳлилу баррасӣ намудааст.

«Пардохти ҳаққи хизмати обрасонӣ омили асосии рушди соҳа ба ҳисоб рафта, барои дар муҳлати муқарраргардида омодасозии шабакаҳои обёрӣ ва таъмини оби полезӣ мусоидат менамояд. Дар ин давра аз ҷониби истифодабарандагони об зиёда аз 37 миллион сомонӣ ҳаққи хизмати обрасонӣ пардохт шудааст, ки нисбат ба соли гузашта 1,1 миллион сомонӣ зиётар мебошад. Вале идораҳои давлатии беҳдошти замин ва обёрӣ уҳдадориҳои шартномавии худро иҷро карда бошанд ҳам, ҳаққи хизмати обрасонӣ сари вақт ва пурра аз ҷониби истифодабарандагон пардохт намегардад. Ин сабаби афзудани бақияи қарзи ҳаққи хизмати обрасонӣ шудааст, ки бо назардошти солҳои пеш 172 миллион сомониро ташкил медиҳад»,- нигоштааст муаллиф.

Нашрияи Маҷлиси Олии Ҷумҳурии Тоҷикистон «Садои мардум» дар шумораи 28 сентябри соли равон, сешанбе, №121 (4383)  суханронии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар мулоқот бо роҳбарону фаъолони ноҳияи Дарвоз ва Ванҷ, инчунин маводро таҳти унвонҳои «Яке аз ҳадафҳои ҳукумати мамлакат рушди ВМКБ мебошад» ва «Дар ноҳияи Роштқалъа 140 иншооти ҷашнӣ ба маблағи 35 миллион сомонӣ бунёд ёфтааст» аз мулоқот бо роҳбарону фаъолони ноҳияи Роштқалъаи ВМКБ мунташир намудааст. Нашрияи парлумонии «Садои мардум»  ҳамзамон мулоқоти Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро бо Президенти Ҷумҳурии Қазоқистон муҳтарам Қосим-Жомарт Токаев нашр намудааст.

Нашрияи русизабони  Ҳукумати Ҷумҳурии Тоҷикистон «Народная газета» дар шумораи  рӯзи чоршанбе, 29 сентябр, №38 (20319) суханронии Пешвои миллат муҳтарам Эмомалӣ Раҳмонро дар мубоҳисаҳои умумии Иҷлосияи 76-уми Маҷмаи умумии Созмони Милали Муттаҳид ва хабару гузоришҳоро аз ҷараёни сафари кории Президенти Ҷумҳурии Тоҷикистон ба ноҳияҳои Балҷувон, Темурмалик ва шаҳру ноҳияҳои ВМКБ ба нашр расонидааст.

Инчунин хонандагони нашрияи русизабони  Ҳукумати Ҷумҳурии Тоҷикистон «Народная газета» имкон доранд аз ин шумора маводи ҷолиб, аз қабили «Продуктивные итоги душанбинского саммита ШОС», «Принцип «открытых дверей»-главный успех внешней политики Таджикистана», «Мудрый человек и искусный политик», «Цель Агентства- надзор в области образования», «Известный вирусолог развеял мифы о коронавирусе» ва дигар хабарҳои дохили мамлакатро мутолиа намоянд.

«Минбари  халқ» — нашрияи марказии  Ҳизби Халқии Демократии Тоҷикистон /ҲХДТ/  дар шумораи 29 сентябри соли 2021, чоршанбе, №39 (1333) хабару гузоришҳо аз ҷараёни сафари кории Президенти Ҷумҳурии Тоҷикистонро ба шаҳру ноҳияҳои ВМКБ ва суханронии Пешвои миллат муҳтарам Эмомалӣ Раҳмонро дар мубоҳисаҳои умумии Иҷлосияи 76-уми Маҷмаи умумии Созмони Милали Муттаҳид инъикос намудааст.

Инчунин дар ин шумора хонандагон имкон доранд вобаста ба иншооти НБО «Роғун» зери унвони «Кори зарбдор андар кӯҳҳо» ва «Корзори ному нанг» маводи ҷолиб мутолиа намояд.

Фирӯзаи ДАВЛАТ,
АМИТ «Ховар»

АКС аз бойгонии АМИТ «Ховар»

Сентябрь 30, 2021 11:39

Хабарҳои дигари ин бахш

ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид
Бостоншиносон бори нахуст маданияти моддии Панҷакенти замони Сомониёнро таҳқиқ менамоянд
25 сентябр дар Академияи миллии илмҳо Рӯзи дарҳои кушода гузаронида мешавад
Дар ноҳияи Исмоили Сомонии шаҳри Душанбе Маркази хизматрасонии «Сад ранги чакан» ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Жапаров дар иҷлоси СММ сухан гуфта, гумон кардааст аз минбари Жогорку Кенеши Қирғизистон ҳарф мезанад,- сармуҳаррири рӯзномаи «Ҷаҳони Паём»
Ба шарафи Рӯзи Рӯдакӣ дар Институти илмҳои гуманитарӣ конференсияи илмӣ-амалӣ баргузор шуд
Дар Душанбе бахшида ба Рӯзи Рӯдакӣ ҳамоиш баргузор мешавад
«ТОҶИКИСТОН — КИШВАРИ ДАРЁҲОИ ТИЛЛОӢ». Дар Осорхонаи таърихии вилояти Суғд шакли хурди намоиш ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Марзбонони қирғиз борҳо санадҳои оташбасро дағалона вайрон намуда, гуноҳро ба сари неруҳои марзбони Тоҷикистон мезананд
ҲАМЛАИ ТАҶОВУЗКОРОНАИ ҚИРҒИЗИСТОН. «Баъзе аз намояндагони ин мардум «хати қирмизӣ»-и ҳамсоядориро кайҳо дағалона убур карда буданд»- муовини Сармуҳаррири рӯзномаи «Садои мардум»