Ҷаласаи навбатии Шӯрои Вазирони корҳои дохилии ИДМ баргузор гардид
ДУШАНБЕ, 11.10.2021 /АМИТ «Ховар»/. 11 октябри соли равон ҷаласаи навбатии Шӯрои Вазирони корҳои дохилии давлатҳо — узви Иттиҳоди Давлатҳои Мустақил баргузор гардид, ки дар он тариқи реҷаи видео-конференсия намояндагони ВКД Ҷумҳурии Тоҷикистон таҳти роҳбарии Вазири корҳои дохилӣ генерал-полковники милитсия Рамазон Раҳимзода, намояндагони вазоратҳои корҳои дохилии Ҷумҳуриҳои Озарбойҷон, Арманистон, Беларус, Қазоқистон, Қирғизистон, Молдова, Русия ва Узбекистон, инчунин намояндагони Кумитаи иҷроияи ИДМ ва Маркази зиддитеррористии ИДМ ширкат варзиданд, хабар медиҳад АМИТ “Ховар” бо истинод ба Вазорати корҳои дохилии Ҷумҳурии Точикистон.
Дар рӯзномаи ҷаласаи мазкур ҳамагӣ 14 масъала баррасӣ гардид. Аз он ҷумла, масъалаҳои ҳамкориҳои афзалиятноки вазоратҳои корҳои дохилии давлатҳо — узви ИДМ, ҳолат ва дурнамои рушди фаъолияти ташкили заминаҳои мубориза бар зидди ҷинояткорӣ, ҳамкорӣ ҷиҳати муқовимат бар зидди ҷинояткорие, ки бо истифодаи технологияи блокчейн ва криптавалютаҳо содир мегарданд, тақвияти нерӯи ҳамоҳангӣ оид ба ошкор намудани ҷиноятҳои технологӣ, аз қабили қаллобии интернетӣ ва ҳамкориҳо дар самти пешгирии шомилшавии ноболиғон ба ҳизбу ҳаракатҳои ғайриқонунӣ мавриди баррасӣ қарор гирифтанд.
Дар рафти ҷаласа ҳамчунин масъалаи таҳияи лоиҳаи Барномаи чорабиниҳои муштараки мубориза бар зидди ҷинояткорӣ барои солҳои 2024-2028 ва коркарди санади тартиби қабул ва пешниҳоди маълумоте, ки дар махзани иттилоотии ВКД давлатҳо — узви ИДМ оид ба соҳаи муқовимат бар зидди рабудани воситаҳои нақлиёт мавҷуд аст, мавриди баррасӣ қарор дода шуданд.
Инчунин дар ҷараёни ҷаласа масъалаи таъсис додани нишони хотиравии Шӯрои Вазирони корҳои дохилии давлатҳо — узви ИДМ “Барои тақвияти ҳамкориҳо” баррасӣ гардид.
Вазири корҳои дохилии Ҷумҳурии Тоҷикистон генерал-полковники милитсия Рамазон Раҳимзода доир ба масъалаи 6-уми рӯзномаи ҷаласа ҷиҳати таҳияи лоиҳаи ҳуҷҷати байнидавлатии батанзимдарории тартиби ташкил ва гузаронидани таҳвили назоратшаванда аз ҷониби мақомоти салоҳиятдори давлатҳо — узви ИДМ пешниҳодҳои судманд баён намуд.
Дар хотимаи ҷаласаи Шӯрои Вазирони корҳои дохилии давлатҳо — узви ИДМ як қатор қарорҳои дахлдор қабул карда шуданд, ки барои тақвият бахшидани ҳамкориҳои минбаъда дар мубориза бар зидди ҷинояткорӣ мусоидат хоҳанд кард.
Аксҳо аз ВКД ҶТ
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
