Беш аз 2,7 ҳазор низомиёни Округи ҳарбии марказии Русия дар машқҳои миқёсии СААД дар Тоҷикистон иштирок мекунанд
ДУШАНБЕ, 6.10.2021. /АМИТ «Ховар»/. Моҳи октябри соли равон бештар аз 2,7 ҳазор нафар низомиёни Округи ҳарбии марказии Русия ва беш аз 500 адад техникаи ҳарбӣ дар 3 машқи муштараки кишварҳои узви СААД (Созмони Аҳдномаи амнияти дастҷамъӣ) дар Тоҷикистон иштирок мекунанд. Тавре АМИТ «Ховар» бо истинод ба агентии ТАСС хабар медиҳад, дар ин бора дирӯз, 5 октябр Фармондеҳи низомиёни Округи ҳарбии ФР, полковник Александр Лапин ба рӯзноманигорон хабар дод.
Қаблан дабири кулли СААД Станислав Зас оид ба гузаронидани машқҳои муштараки ҳарбӣ дар ҳудуди сарҳади Тоҷикистон ва Афғонистон иттилоъ дода буд.
«Моҳи октябр дар Тоҷикистон, дар қарибиҳои сарҳади наздик ба Афғонистон 3 машқи муштарак, аз қабили «Ҳамкорӣ», «Ҷустуҷӯ» ва «Эшелон» бо ҷалби низомиёни кишварҳои аъзои СААД гузаронида мешаванд, ки ба онҳо беш аз 2,7 ҳазор нафар низомиён ва 500 адад техника ҷалб карда шудааст. Асоси қисмати русиягиро қисми 201-уми пойгоҳии ҳарбӣ ташкил медиҳад», -гуфт Лапин.
Тавре аз хадамоти матбуоти Округи ҳарбии марказии Русия хабар доданд, тамринҳои амалӣ дар ду машқгоҳи Тоҷикистон- Ҳарб-Майдон ва Момирак бо иштироки низомиёни 6 кишвари аъзои СААД гузаронида хоҳанд шуд.
Шартнома оид ба амнияти дастҷамъӣ соли 1992 дар Тошканд ба имзо расонида шуда, соли 2002 қарор оид ба таъсиси созмони мувофиқ қабул гардид. Ба СААД Русия, Арманистон, Беларус, Қазоқистон, Қирғизистон ва Тоҷикистон шомиланд. Тоҷикистон роҳбарии раёсати Созмони Аҳдномаи амнияти дастҷамъиро дар солҳои 2020-2021 ба зимма дорад.
АКСҲО аз бойгонии АМИТ «Ховар»
Ошкор гардидани ҷинояти одамкушӣ
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 93,5 фоиз иҷро шуд
Ҷалби ноболиғон ба кирдорҳои зиддиҷамъиятӣ ҷавобгарии ҷиноятӣ дорад!
Дар Душанбе масоили таҳкими амният ва суботи Осиёи Марказӣ баррасӣ гардид
Дар Душанбе Форуми амниятии Осиёи Марказӣ оғоз гардид
Кибертерроризм — омилҳои таъсиррасон ва хатари он дар ҷаҳони муосир
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
