Бунёди бузургтарин иншооти инфрасохторӣ бо ҷалби доираҳои соҳибкории Чин дар Тоҷикистон неруи тоза мегирад
ДУШАНБЕ, 21.10.2021 /АМИТ «Ховар»/. 20 октябр дар дастгоҳи Кумитаи иҷроияи марказии Ҳизби Халқии Демократии Тоҷикистон (КИМ ҲХДТ) вохӯрии муовини якуми Раиси Ҳизби Халқии Демократии Тоҷикистон Абдуҷаббор Азизӣ бо иҷрокунандаи вазифаи Сафири Ҷумҳурии Мардумии Чин дар Ҷумҳурии Тоҷикистон, мушовир оид ба масъалаҳои сиёсӣ Чэн Дайвэн баргузор гардид.
Дар ин бора ба мухбири АМИТ «Ховар» аз маркази матбуот ва таблиғоти дастгоҳи КИМ ҲХДТ иттилоъ доданд.
Дар вохӯрӣ муовини Раиси ҳизб Хайринисо Юсуфӣ ва роҳбари маркази матбуот ва таҳлилии дастгоҳи КИМ ҲХДТ Илҳомҷон Ҳамидиён иштирок намуданд.
Абдуҷаббор Азизӣ оид ба раванди бузурги бунёдкорию созандагӣ дар кишвар ва иштироки ширкатҳои чинӣ дар ин марҳилаи тақдирсоз маълумот дод. Гуфта шуд, ки имсол барои кишварҳои мо соли махсус маҳсуб мешавад — истиқбол аз 30-солагии Истиқлолияти давлатии Тоҷикистон ва 100-солагии Ҳизби коммунистии Чин.
«Барои мо мояи ифтихору сарфарозист, ки Раиси муаззами ҲХДТ, муҳтарам Эмомалӣ Раҳмон яке аз аввалин шуда, Раиси Ҷумҳурии Мардумии Чин, ҷаноби Си Ҷинпинро ба муносибати 100-солагии Ҳизби коммунистии Чин табрик намуданд», — гуфт Чэн Дайвэн.
Дар ҷараёни вохўрӣ, ки дар фазои ҳамдигарфаҳмии комил сурат гирифт, ба сатҳи шарикии ҳамаҷонибаи стратегӣ миёни Ҷумҳурии Тоҷикистон ва Ҷумҳурии Мардумии Чин баҳои муносиб дода шуд. Таъкид гардид, ки бунёди бузургтарин иншооти инфрасохторӣ ва рушди онҳо бо ҷалби доираҳои соҳибкории Чин дар мамлакат неруи тоза мегирад.
Дар мулоқот ба нигоҳ доштани тамоси доимӣ ҷиҳати баррасии масъалаҳои муҳимтарини ҷомеаи башарӣ, аз ҷумла, мубориза бо бемориҳои сироятӣ, пешгирии зуҳуроти номатлуб, терроризму экстремизм, риояи ҳуқуқи инсон, вазъият дар кишварҳои минтақа ва зарурати тақвият бахшидани ҳамкорӣ ишора карда шуд.
Ҳамзамон зимни суҳбат ба ҳамкории Ҳизби Халқии Демократии Тоҷикистон ва Ҳизби коммунистии Чин баҳои муносиб дода шуда, дурнамои ҳамкории байниҳизбӣ баррасӣ гардид.
АКСҲО аз Маркази матбуот ва таблиғоти дастгоҳи КИМ ҲХДТ
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
