ҲАВОИ ПОЙТАХТРО ТОЗА НИГОҲ ДОРЕД! Дар Душанбе дар самти ҳифзи муҳити зист беш аз 1400 қонунвайронкунӣ ошкор шуд
ДУШАНБЕ, 08.10.2021 /АМИТ «Ховар»/. Раёсати ҳифзи муҳити зисти шаҳри Душанбе давоми нуҳ моҳи сипаришуда дар ҳамкорӣ бо шуъбаи Раёсати экологӣ ва сайёҳии Вазорати корҳои дохилии Ҷумҳурии Тоҷикистон дар пойтахт беш аз 1400 қонунвайронкуниро дар самти ҳифзи муҳити зист ошкор намуда, аз рӯи онҳо парвандаҳои маъмурӣ тартиб дод, иттилоъ доданд аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар».
Раёсатҳои мазкур давоми 9 моҳи соли ҷорӣ ҷиҳати беҳтар намудани ҳавои атмосфера ва бо роҳандозӣ намудани санҷишҳои фаврӣ якчанд қонуншиканиҳоро дар самти ҳифзи муҳити зист пешгирӣ намуданд. Санҷишҳо асосан дар нуқтаҳои даромадгоҳи чор самти шаҳри Душанбе ва кӯчаву хиёбонҳои протоколӣ гузаронида шуданд.
Аснои гузаронидани санҷишҳо маълум гардид, ки ронандагон ва масъулини иншооти сохтмонӣ ба қоидаҳои тозагии саллачархҳои воситаҳои нақлиёт, ки ҳангоми ҳамлу нақли боркашонӣ сабаби ифлос гардидани кӯчаҳо мегарданд, аҳамияти ҷиддӣ намедиҳанд. Ҳамин беэътиноӣ боис гардид, ки дар ин давра барои ифлос кардани роҳҳо 14 санад ва барои 318 ҳолати бе болопӯш кашонидани борҳои пошхӯранда санади ҳуқуқвайронкунии маъмурӣ тартиб дода шуд.
Ҳамзамон ҳангоми гузаронидани санҷиши воситаҳои нақлиёт, ки заҳрнокии партови сӯзишвории нақлиёташон (СО2) аз меъёр зиёд аст, нисбат ба 1102 ронанда санад тартиб дода, барои чораҷӯӣ ба мақомоти дахлдор ирсол гардид.
Ҳангоми гузаронидани санҷишҳои фаврӣ барои тоза нигоҳ доштани манбаъҳои обӣ, махсусан соҳили дарёҳо нисбат ба 77 нафар санад тартиб дода шуд.
АКСҲО аз Кумитаи ҳифзи муҳити зисти назди Ҳукумати ҶТ
ОМОДАГӢ БА ЗИМИСТОН. Сохторҳои буҷетии ноҳияи Сангвор ба мавсими сармо пурра омода мебошанд
Имрӯз дар баъзе ноҳияҳои Тоҷикистон чангу ғубор ба амал меояд
Имрӯз дар шаҳри Душанбе ҳаво то 27 дараҷа гарм мешавад
Дар ноҳияи Бобоҷон Ғафуров вобаста ба таъмини бехатарии радиатсонӣ машварат баргузор шуд
Нақши ниҳодҳои ҷамъиятӣ дар самти ҳифзи муҳити зист ва ёдгориҳои таърихию фарҳангӣ баррасӣ гардид
Имрӯз дар доманакӯҳҳо ва ноҳияҳои кӯҳии Тоҷикистон ҳаво то 23 дараҷа гарм мешавад
Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
