Дар Кобул таркиши навбатӣ рух дод

ДУШАНБЕ, 21.10.2021 /АМИТ «Ховар»/.  Рӯзи чоршанбе дар Кобул таркиши шадид рух дод. Тавре АМИТ «Ховар» менависад, дар ин бора дирӯз шабакаи 1TV бо такя ба Вазорати корҳои дохилии Афғонистон хабар додааст.

Ба гуфтаи ӯ, таркиш дар минтақаи Деҳмазанг, дар рӯ ба рӯи бинои ситоди полиси сарҳадӣ рух додааст. Шахси номаълум ба мошини раҳгузар, ки ба ҷангиёни ҳаракати радикалии «Толибон»* тааллуқ дошт, норинҷак партофт.

Сухангӯи вазорати умури дохилии Афғонистон Қорӣ Саид Хостӣ, ки аз ҷониби толибон таъйин шудааст, маълумот дар бораи ин ҳодисаро тасдиқ кард ва аз захмӣ шудани ду ҷангии “Аморати Исломии Афғонистон” (номи давлате, ки тундгароҳо истифода мебаранд), хабар дод.

_____________________

* «Толибон» — ҳаракати террористие, ки дар Тоҷикистон мамнуъ аст

                                                           АКС аз манбаъҳои боз