Дар Муассисаи давлатии «Пажуҳишгоҳи меҳнат, муҳоҷират ва шуғли аҳолӣ» Маркази таълимӣ-илмии демографӣ фаъол гардид
ДУШАНБЕ, 13.10.2021. /АМИТ «Ховар»/. 12 октябр дар Муассисаи давлатии «Пажуҳишгоҳи меҳнат, муҳоҷират ва шуғли аҳолӣ»-и Вазорати меҳнат, муҳоҷират ва шуғли аҳолии Ҷумҳурии Тоҷикистон маросими ифтитоҳи Маркази илмӣ-таълимии демографӣ баргузор гардид. Маркази мазкур дар доираи татбиқи лоиҳаи «Таҳкими омори демографӣ дар Тоҷикистон», ки аз ҷониби Ҳукумати Федератсияи Русия маблағгузорӣ карда мешавад, ифтитоҳ гардид, иттилоъ доданд ба АМИТ «Ховар» аз Вазорати меҳнат, муҳоҷират ва шуғли аҳолӣ.
Ба фаъолият шурӯъ намудани Маркази илмӣ-таълимии демографӣ имкон медиҳад, ки ходимони илмии Пажуҳишгоҳ бо истифода аз шароити хеле мусоиди корӣ ва таҷҳизоти муосири технологияи иттилоотӣ вазъи демографии ҷумҳурӣ ва таъсири муассири онро ба соҳаҳои муносибатҳои меҳнатӣ, раванди муҳоҷирати меҳнатӣ, урбанизатсияи аҳолии деҳоти ҷумҳурӣ, танзими бозори меҳнат ва ба шуғл фаро гирифтани аҳолии қобили меҳнат мавриди таҳқиқи самарабахши илмӣ қарор диҳанд.
Маркази мазкур бо дастгирии Хазинаи нуфуси Созмони Милали Муттаҳид (UNFPA) таъсис ёфта, бо тамоми техника ва таҷҳизоти компютерии дорои барномаҳои муосир, чун Eviews ва Stata таъмин мебошад.
Дар маросими ифтитоҳи Маркази таълимӣ-илмии демографӣ Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода, Сафири Федератсияи Русия дар Ҷумҳурии Тоҷикистон Игор Лякин-Фролов, Роҳбари дафтари UNFPA дар Тоҷикистон Наргис Раҳимова, инчунин ходимони илмии пажуҳишгоҳ ва намояндагони ВАО ширкат варзиданд.
Ширин Амонзода барои кумак ва дастгирӣ ба Сафири Федератсияи Русия дар Ҷумҳурии Тоҷикистон Игор Лякин-Фролов ва Роҳбари дафтари UNFPA дар Тоҷикистон Наргис Раҳимова арзи сипос намуда, дар назди ходимони илмии Пажуҳишгоҳ вазифа гузошт, ки бо истифода аз имконияти таҷҳизоти муосири технологияи иттилоотӣ ва таҷрибаи педагогиву таҳқиқоти илмӣ дар раванди таълим ва таҳқиқи масоили демографӣ саҳми бештар гузоранд.
АКСҲО аз Вазорати меҳнат, муҳоҷират ва шуғли аҳолии ҶТ
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
Барои гирифтор нашудани кӯдакон ба бемории дарунравӣ чӣ бояд кард?
