Дар Самарқанд Саммити ҷаҳонӣ доир ба некӯаҳволии кӯдакон баргузор гардид
ДУШАНБЕ, 22.10.2026 /АМИТ «Ховар»/. Имрӯз дар шаҳри Самарқанд Саммити ҷаҳонии «Сармоягузорӣ ба некӯаҳволии кӯдакон: роҳ ба сӯи рушди устувор ва одилона барои наслҳои оянда» доир гардид. Дар ин хусус ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Дар Саммити ҷаҳонӣ вазирони тандурустии якчанд давлат, шарикон оид ба рушд ва мутахассисону коршиносони минтақавӣ ва байналмилалӣ иштирок намуданд.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода иброз намуд, ки «ҳифзи саломатии кӯдакон аз авлавияти муҳимтарини сиёсати давлатии Ҳукумати Ҷумҳурии Тоҷикистон мебошад. Сармоягузорӣ ба саломатии кӯдакон сармояи инсониро тақвият ва некӯаҳволии наслҳои ояндаро кафолат дода, рушди устувори давлатро таъмин менамояд».
Таъкид гардид, ки таъмини ҳуқуқ, саломатӣ, ҳифзи иҷтимоӣ ва рушди ҳамаҷонибаи кӯдакон дар рӯзномаи байналмилалӣ мақоми баландро ишғол мекунад. Ин масъулияти муштарак давлатҳо, созмонҳои байналмилалӣ, ҷомеаи касбӣ ва ҷомеаи шаҳрвандиро муттаҳид менамояд.
Бо дастгирии Ҳукумати Ҷумҳурии Тоҷикистон маблағгузории соҳаи тандурустӣ дар панҷ соли охир 2,5 маротиба афзоиш ёфта, ин иқдом ба беҳтар шудани инфрасохтор, афзоиши дастрасӣ ва беҳтар шудани сифати хизматрасонии тиббӣ мусоидат кард. Дар Тоҷикистон бақайдгирии таваллуд ва фавт, сабти эмгузаронӣ ва назорати рушд ва инкишофи кӯдакон ба тариқи электронӣ амалӣ карда мешавад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
МАСЛИҲАТИ МУТАХАССИС. Тарбуз, харбуза ва каду дар таркиби худ витамини C ва А бештар доранд
