Дар Вазорати рушди иқтисод ва савдо масоили татбиқи лоиҳаҳои амалкунандаи сармоягузории давлатӣ баррасӣ шуданд
ДУШАНБЕ, 26.10.2021 /АМИТ «Ховар»/. 25 октябр Вазири рушди иқтисод ва савдо Завқӣ Завқизода бо директори идоракунандаи Бонки аврупоии таҷдид ва рушд (БАТР) барои кишварҳои Осиёи Марказӣ Жужанна Харгитай, Роҳбари Намояндагии БАТР дар Ҷумҳурии Тоҷикистон Рика Ишии, мушовири директорони кишварҳои Осиёи Марказӣ ва Федератсияи Русия, Аврупои Ғарбӣ ва Қавқоз Евгений Офрихтер ва бонкдори пешбари кишварӣ Ҷамшед Раҳмонбердиев мулоқот намуд, хабар доданд аз Вазорати рушди иқтисод ва савдои ҷумҳурӣ ба АМИТ «Ховар».
Зимни мулоқот аз ҷониби Завқӣ Завқизода масъалаҳои татбиқи лоиҳаҳои амалкунандаи сармоягузориҳои давлатӣ, ки аз ҷониби БАТР дастгирӣ мегарданд, самтҳои афзалиятноки сармоягузорӣ, аз ҷумла сармоягузорӣ ба сохтмони НБО «Роғун», ташкили корхонаҳои муштарак дар минтақаҳои озоди кишвар ҷиҳати ба роҳ мондани коркарди ашёи хоми ватанӣ то маҳсулоти рақобатпазири дорои арзиши баланди изофашуда, сохтмони марказҳои логистикӣ, татбиқи самараноки Барномаи миёнамуҳлати рушди иқтисоди рақамӣ барои солҳои 2021-2025, таъмини кумаки техникӣ барои таҳияи нақшаи амали «иқтисоди сабз» ва ғайра пешниҳод гардиданд.
Ҷониби БАТР барои тақвият додани фаъолияти худ дар Тоҷикистон ҷиҳати татбиқи лоиҳаҳои «иқтисоди сабз», такмили идоракунӣ дар корхонаҳои давлатӣ тибқи талаботи меъёрҳои байналмилалӣ, дастгирии бахши хусусӣ дар самти истеҳсоли қувваи барқ аз сарчашмаҳои барқароршавандаи неру, ташкили ҷойҳои корӣ, таҳкими иқтидори зеҳнии корхонаҳои бахши хусусӣ, инчунин дастгирии соҳаҳо ва самтҳои зимни мулоқот пешниҳодгардидаи сармоягузорӣ ва пешниҳоди кумаки техникии зарурӣ омодагӣ зоҳир намуд.
АКС аз сомонаи Вазорати рушди иқтисод ва савдо
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Дар доираи Форуми соҳибкории «Тоҷикистон, ба пеш!» ду Ёддошти тафоҳум дар соҳаи энергетика ба имзо расид
Дар 25 соли охир аз ҷониби соҳибкорон зиёда аз 4 миллион ҷойи кор таъсис дода шудааст
Дар Душанбе татбиқи «Барномаи рушди таҳвилгарон ва содирот» бо ҳайати Гурӯҳи Бонки ҷаҳонӣ баррасӣ гардид
Дурнамои рушди ҳамкорӣ байни Тоҷикистон ва Чехия дар соҳаи нақлиёти роҳи оҳан баррасӣ гардид
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
РУШДИ ИҚТИСОДИ МИЛЛӢ. Дар нуҳ моҳи соли 2026 8,3 фоиз таъмин гардид
Олимони тоҷик парвариши гандуми тирамоҳӣ ва пахтаро дар шароити тағйирёбии иқлим баррасӣ намуданд
Ҷалби сармоя барои татбиқи лоиҳаҳои афзалиятноки Тоҷикистон дар Бангкок баррасӣ гардид
«СОҲИБКОРИИ ЗАНОН: ИМКОНИЯТҲО, НАВОВАРӢ ВА РУШДИ УСТУВОР».Таҳти ин унвон ҳамоиш баргузор шуд
Дар мавзуи дастгирии соҳибкорӣ дар 35 соли Истиқлоли давлатӣ ҳамоиш баргузор шуд
Дар Рим имкониятҳои содиротии маҳсулоти кишоварзии Тоҷикистон муаррифӣ гардиданд
