Корманди Комиссариати ҳарбии вилояти Хатлон бо иттиҳоми қаллобӣ боздошт шуд
ДУШАНБЕ, 18.10.2021 /АМИТ «Ховар»/. Дар натиҷаи гузаронидани чораҳои фаврӣ-тафтишотии кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон сардори дастгоҳи алоқаи махсуси махфии зершуъбаи алоқаи Комиссариати ҳарбии вилояти Хатлон Раҷабалӣ Дӯстов бо иттиҳоми қаллобӣ боздошт шуд. Дар ин бора АМИТ «Ховар» бо истинод ба маркази матбуоти Агентии назорати давлатии молиявӣ ва мубориза бо коррупсия хабар медиҳад.
«Дӯстов Раҷабалӣ Ҷумахонович дар вазифаи сардори дастгоҳи алоқаи махсуси махфии зершуъбаи алоқаи Комиссариати ҳарбии вилояти Хатлон кор карда, дар давраи фаъолияти кориаш бо истифода аз ваколати хизматӣ бо роҳи фиреб ва суиистифодаи боварӣ аз шаҳрванд «А» барои аз хизмати ҳарбӣ озод намудани бародараш 22000 сомонӣ талаб намудааст», — омадааст дар иттилоия.
Гуфта мешавад, ки дар натиҷаи гузаронидани чораҳои фаврӣ-тафтишотӣ Раҷабалӣ Дӯстов баъди бевосита талаб карда гирифтани маблағи 22000 сомонӣ аз шаҳрванд «А» дар ҷойи ҳодиса дастгир гардида, аз ӯ маблағи 22000 сомонӣ ҳамчун далели шайъӣ ёфта, гирифта шуд.
Вобаста ба ҳолати мазкур нисбат ба Раҷабалӣ Дӯстов бо моддаи 247 қисми 3 банди «а»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, ба Сарпрокуратураи ҳарбии Ҷумҳурии Тоҷикистон ирсол гардид.
АКС аз Агентии назорати давлатии молиявӣ ва мубориза бо коррупсияи ҶТ
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
