Муассисаи нашриявии «Ирфон» ба ифтихори 30-солагии Истиқлолияти давлатӣ ду намуд руқъа ба нашр расонид

Октябрь 16, 2021 09:44

ДУШАНБЕ, 16.10.2021 /АМИТ «Ховар»/. Бо ташаббуси Муассисаи нашриявии «Ирфон» ва дастгирии Вазорати фарҳанги Ҷумҳурии Тоҷикистон ба ифтихори 30-солагии Истиқлолияти давлатии Ҷумҳурии Тоҷикистон ду намуд руқъа (откритка) бо теъдоди 1000 нусха ба нашр расид, хабар медиҳад АМИТ «Ховар» бо истинод ба Муассисаи давлатии нашриёти «Ирфон» .

Руқъаҳо «Тоҷикистон – кишвари куҳанбунёд» ва «Тоҷикистони замони истиқлол» унвон гирифта, ҳар яке иборат аз 30 акси мавзеъҳои таърихӣ ва биноҳои муосир бо нашри маълумоти мухтасар бо се забон- тоҷикӣ, русӣ ва англисӣ мебошанд.

«Димнаи Муғтеппа», «Мақбараи Мир Сайид Алии Ҳамадонӣ», «Мақбараи Хоҷа Машҳад», «Қалъаи Хуҷанд», «Қалъаи Вомар», «Мақбараи Хоҷаи Нур», «Кӯҳи Чилдухтарон», «Гармчашма», намунаҳо аз кишвари куҳанбунёд буда, «Кохи Наврӯз», «Муҷассамаи Исмоили Сомонӣ», «Китобхонаи миллии Тоҷикистон», «Қасри миллат», «Боғи Куруши Кабир», «Театри вилоятии мусиқӣ- мазҳакавии ба номи Меҳрубон Назаров», «Бозори Меҳргон», Кохи фарҳанги «Суғдиён», «Амфитеатр» ифтихор аз Тоҷикистони замони истиқлол мебошанд.

Маводи мазкур армуғон ва роҳнамои хубест барои сайёҳону меҳмонони кишвари қадимиву рушдкардаи мо-Тоҷикистон. Ташаббуси мазкур аз ҷониби Муассисаи нашриявии «Ирфон» қадами аввалинест миёни ноширони мамлакат, ки қобили дастгирӣ мебошад.

АКСҲО: МД нашриёти «Ирфон»

Октябрь 16, 2021 09:44

Хабарҳои дигари ин бахш

Дар вазорату муассисаҳои Тоҷикистон Рӯзи Президент бошукӯҳ таҷлил гардид
Дар Рӯзи Президент Муассисаи давлатии телевизиони мусиқии Тоҷикистон «Шаҳнавоз» расман ифтитоҳ гардид
Музаффар Ашӯриён: Рӯзи Президент — рӯзи иқболи мардуми Тоҷикистон аст
Эмомалӣ Раҳмонро дар арсаи байналмилалӣ шахсияти сулҳофару сулҳпарвар ва сарҷамъкунандаи миллат эътироф намудаанд
Дар Хоруғ бо мақсади захира барои зимистон ярмарка-фурӯши маҳсулоти кишоварзӣ доир шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
«30-солагии ИДМ: таҷриба ва навоварӣ». Таҳти чунин унвон дар Қасри Таврический ҷаласаи пленарӣ доир шуд
Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд