Намояндаи СУТ аз кишварҳои ИА даъват кард, ки ба Арманистон, Қирғизистон, Тоҷикистон ва Украина ваксина диҳанд

ДУШАНБЕ, 08.10.2021 /АМИТ «Ховар»/. Кишварҳои узви Иттиҳоди Аврупо, ки аз ҷониби ҷомеа ба таври мутамарказ бо ваксина бар зидди коронавирус таъмин карда мешаванд, аксар вақт ба кишварҳои сеюм  ваксинаро қариби ба охир  расидани муҳлати истифодаашон  медиҳанд. Тавре АМИТ “Ховар” бо истинод ба ТАСС хабар медиҳад, бо интиқод аз ин рафтор дирӯз, 7 октябр, дар мусоҳиба бо ҳафтаномаи русизабони Экспресс-неделя, ки дар Литва нашр мешавад, намояндаи махсуси Созмони умумиҷаҳонии тандурустӣ (СУТ) дар минтақаи Аврупо Витянис Андрюкайтис (ДАР АКС)  изҳори назар кард.

«СУТ аз кишварҳои аврупоӣ хоҳиш мекунад, ки ваксинаҳои мавҷударо бо Украина, Тоҷикистон, Арманистон, Қирғизистон бо ҳам бинанд,- гуфт ӯ.- Аммо онҳо намехоҳанд мубодила кунанд, онро дар анбор нигоҳ медоранд ва баъди ба охир расидани муҳлати нигоҳдорӣ, ки  аз он ду ҳафта боқӣ мемонад, медиҳанд».

Тавре ки Андрюукайтис хотиррасон кард, Иттиҳоди Аврупо барои кишварҳои узви ҷомеаи аврупоӣ 700 миллион воя ваксина ва барои кишварҳои ҷаҳони сеюм 700 миллион воя ваксинаи дигар харидорӣ кард. “Аммо ин маънои онро надорад, ки ин вояҳо аллакай дастрасанд, ин нақшаи фармоиш барои истеҳсолкунандагон аст”,- шарҳ дод ӯ.

Тавре намояндаи махсуси СУТ зикр намуд, бинобар норасоии ваксина дар баъзе минтақаҳо, созмони ҷаҳонӣ имконпазир мешуморад, ки ба реваксинатсия, яъне ба эмгузаронии сеюм шитоб накунанд. “СУТ хоҳиш мекунад, ки то ба охир расидани ваксинакунӣ [ба таври оммавӣ] ба реваксинатсия шитоб накунед, зеро бисёр кишварҳо аз нарасидани ваксинаҳо азият мекашанд. Як чиз муҳим аст — ҳамбастагӣ! Вале  ҳоло мо мебинем, ки  аз рӯи мақоли “Аввал хеш – баъд дарвеш” амал мекунанд”.-гуфт ӯ.

 АКС аз манбаъҳои боз