ОБУ ҲАВО: Имрӯз дар Тоҷикистон ҳавои бебориш пешбинӣ шудааст

ДУШАНБЕ, 24.10.2021 /АМИТ «Ховар»/. Имрӯз дар ҷумҳурӣ ҳавои бебориш пешбинӣ шудааст, иттилоъ медиҳад  Агентии обуҳавошиносии Тоҷикистон ба АМИТ «Ховар». 

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст. Шамол аз самти шарқ суръати 3-8 метр дар як сония мевазад.  Ҳаво дар ғарби вилоят шабона 0-5  дараҷа хунук ва  рӯзона 9+14  дараҷа гарм мешавад.  Дар шарқи вилоят ҳаво  шабона 9-14  дараҷа хунук ва рӯзона  аз 3 дараҷа хунук  то 2 дараҷа гарм мешавад.

Ҳаво дар вилояти Суғд камабр ва дар баъзе ноҳияҳо тағийрёбандаи бебориш мешавад. Дар баъзе ноҳияҳо туман мефарояд. Шамол  аз самти шарқ бо суръати 4-9 ва  дар ноҳияҳои алоҳида бо шиддатноки то 15-20 метр дар як сония мевазад. Ҳаво  дар водиҳо шабона 4+9  ва рӯзона 15+20 дараҷа гарм мешавад.  Дар ноҳияҳои кӯҳӣ ҳаво шабона  0-5 дараҷа хунук ва рӯзона 11+16 дараҷа гарм мешавад.

Дар вилояти Хатлон  ҳавои камабр, дар баъзе ноҳияҳо тағйирёбандаи бебориш дар назар ас. Дар ноҳияҳо туман мефарояд.  Шамол аз самти шарқ бо суръати 3-8 метр дар як сония мевазад.  Ҳаво дар водиҳо шабона 5+10 ва рӯзона 18+23 дараҷа гарм мешавад.  Дар доманакӯҳҳо ҳаво шабона 0+5 дараҷа гарм  ва рӯзона 12+17 дараҷа гарм мешавад.

Дар шаҳру ноҳияҳои тобеи марказ ҳавои камабр ва тағийрёбандаи бебориш пешбинӣ шудааст. Шамол аз самти шарқ бо суръати 3-8  метр дар як сония мевазад.  Туман мефарояд. Ҳаво  дар водиҳо  шабона 4+9  ва рӯзона 17+22 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм ва рӯзона  13+18 дараҷа гарм мешавад.

Дар  шаҳри Душанбе ҳавои камабри бебориш дар назар аст.  Шамол аз самти шарқ бо суръати 3-8 метр дар як сония мевазад. Ҳаво шабона  4+6  ва рӯзона 19+21 дараҷа гарм мешавад.