Ҳоким Холиқзода ва Селим Эликдаг тавсеаи ҳамкории минбаъдаро баррасӣ намуданд

Октябрь 22, 2021 10:42

ДУШАНБЕ, 22.10.2021 /АМИТ «Ховар»/. Таҳкими равобити дуҷониба ва татбиқи лоиҳаҳои муштарак миёни Бонки миллии Тоҷикистон /БМТ/ ва Хазинаи байналмилалии Асъор /ХБА/ дар  мулоқоти маҷозии Раиси БМТ Ҳоким Холиқзода ва роҳбари нави ҳайати ХБА оид ба Тоҷикистон Селим Эликдаг баррасӣ шуд.

БМТ иттилоъ медиҳад, ки Ҳоқим Холиқзода бо қаноатмандӣ аз сатҳи ҳамкории дуҷониба роҳбари нави ҳайати ХБА оид ба Тоҷикистон Селим Элекдагро бо таъйин шудан ба ин вазифаи пурмасъул табрик намуд. Селим Элекдаг ба Раиси БМТ ҳавасмандии худро аз ҳамкории босамар ва барои ҳарду ҷониб манфиатбахш иброз дошт. Раиси БМТ Ҳоким Холиқзода оид ба вазъи макроиқтисодии кишвар, хусусан рушди воқеии ММД, сатҳи таваррум, суботи молиявӣ, татбиқи сиёсати пулию қарзӣ, вазъи бозори дохилии асъор ва дигар нишондиҳандаҳои низоми бонкӣ маълумот дод.

Мусоҳибон вобаста ба иқдоми минбаъдаи БМТ дар ҳолати ба амал омадани хавфҳои эҳтимолии ғайричашмдошт, аз ҷумла пандемияи COVID-19, таъмини устувории сиёсати пулию қарзӣ дар вазъияти афзоиши нархҳои ҷаҳонӣ, барномаи кумакҳои техникӣ оид ба танзими самараноки бозори асъор ва дигар масъалаҳои вобаста ба ҳамкории БМТ ва ХБА ибрози назар намуданд.

Зикр шуд, ки   пандемияи COVID-19 бори дигар собит сохт, ки хатарҳои эҳтимолӣ ба иқтисодиёти ҷаҳон ҳамеша таҳдид менамоянд ва ҳеҷ кишваре дар алоҳидагӣ наметавонад дар муқобили он истодагарӣ намояд. Танҳо тадбирҳои саривақтӣ, нақшаи дақиқи коҳиши хатарҳо, ҳамоҳангии фаъолияти мақомоти давлатӣ ва созмонҳои бонуфузи ҷаҳонӣ метавонанд пайомадҳои хатарҳои эҳтимолиро коҳиш диҳанд.

 Акс аз БМТ

Октябрь 22, 2021 10:42

Хабарҳои дигари ин бахш

Дар «Амонатбонк» Наврӯзро бо баргузории ҳамоиши идона таҷлил намуданд
ҚУРБИ АСЪОР: дар Тоҷикистон 1 рубли русӣ аз 0. 1187 то 0.1190 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.9546 то 10.9800 сомонӣ муқаррар шудааст
НАВРӮЗ-РАМЗИ ХУДШИНОСИВУ ИФТИХОРИ МИЛЛӢ. Дар Бонки миллии Тоҷикистон Наврӯзи ҷаҳонӣ таҷлил шуд
ШОДӢ БА ДИЛ АНГЕЗАД, НАВРӮЗ МУБОРАК БОД! Суратгузориши АМИТ «Ховар» аз таҷлили Наврӯзи ҷаҳонӣ дар «Саноатсодиротбонк»
ҚУРБИ АСЪОР: дар Тоҷикистон 1 доллари ИМА аз 10.9541 то 10.9800 сомонӣ муқаррар шудааст
ҚУРБИ АСЪОР: дар Тоҷикистон 1 евро аз 11.9500 то 12.1000 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0. 1192 то 0.1200 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.9523 то 10.9800 сомонӣ муқаррар шудааст
РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 28 406 муроҷиат дар як сол барои ҳимояи ҳуқуқи истеъмолкунандагон дар Аввалин бонки молиявии хурд
Саҳми Бонки ҷаҳонӣ дар татбиқи муваффақонаи кӯшишҳои Ҳукумати Тоҷикистон барои нигоҳ доштани суботи иқтисодӣ ва молиявӣ назаррас арзёбӣ гардид
ҚУРБИ АСЪОР: дар Тоҷикистон 1 рубли русӣ аз 0. 1210 то 0.1213 сомонӣ муқаррар шудааст