Президенти мамлакат Эмомалӣ Раҳмон Маркази ҳунарҳои мардумӣ ва атласу адрасбофиро дар деҳоти Хистеварзи ноҳияи Бобоҷон Ғафуров мавриди истифода қарор доданд

Октябрь 7, 2021 11:48

ДУШАНБЕ, 07.10.2021 /АМИТ «Ховар»/. Дар идомаи сафари корӣ дар вилояти Суғд Асосгузори сулху ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Хистеварзи ноҳияи Бобоҷон Ғафуров бинои Маркази ҳунарҳои мардумӣ, истеҳсоли атласу адрас ва сехи дӯзандагиро мавриди истифода қарор доданд.

Дар саҳни ҳавлии маркази ҳунарҳои мардумии ноҳияи Бобоҷон Ғафуров намоиши ҳунарҳои мардумӣ, хӯрокҳои миллӣ, нону маҳсулоти хамирӣ, намудҳои гуногуни асал, банду басти маҳсулоти марказҳои омӯзишии ҳунарҳои мардумӣ ва истеҳсолкунандагони шириниҳо, хушкмева ва нақшу нигораҳо аз шаҳру ноҳияҳои Истаравшан, Исфара Панҷакент, Хуҷанд ва ноҳияи Ҷаббор Расулов ба намоиш гузошта шуда буд.

Пешвои муаззами миллат муҳтарам Эмомалӣ Раҳмон аз намоишгоҳ дидан намуда, ба сифати маҳсулот ва ҳунарҳои мардуми ин шаҳру ноҳияҳо баҳои баланд доданд.

Дар сехи дӯзандагии маркази ҳунарҳои мардумии ноҳияи Бобоҷон Ғафуров 50 адад мошинаи муосири дарздӯзӣ ва 30 дастгоҳи бофандагӣ бо маблағгузории Ҳукумати Ҷумҳурии Тоҷикистон харидорӣ гардида, барои кор дар онҳо 100 нафар дар сехи дӯзандагӣ, атласу адрасбофӣ ва аврабандӣ, ки дар қисми дигари сехи дӯзандагӣ ҷойгир аст, ба кор ҷалб шудаанд.

Дар ин ҷо матоъҳои аз лиҳози сифатнокиашон баланд аз маҳсулоти ватанӣ, пахта ва риштаи маҳаллӣ истеҳсол мешаванд.

Ба Сарвари давлат иттилоъ доданд, ки барои занону бонувони бешуғл барои касбомӯзӣ шароити хуб фароҳам шудааст. Ҳамчунин илова гардид, ки дар ин коргоҳ ҳамарӯза аз ҳар як дастгоҳи атласу адрасбофӣ аз 10 то 15 метр матои аз ҷиҳати экологӣ тоза омода мегардад ва он дар бозорҳои дохилӣ ва берун аз ҳудуди ноҳия талабгорони зиёд доранд.

Акнун дар ин марказ дилхоҳ нафароне, ки хоҳиши касбомӯзӣ доранд, тариқи ройгон ва дар асоси роҳхатҳои Агентии шуғли аҳолӣ ба омӯзиш фаро гирифта хоҳанд шуд.

Мавриди зикр аст, ки бо мақсади тараққӣ додани ҳунарҳои мардумӣ, муаррифии шоистаи имконияти сайёҳии мамлакат ва фарҳанги миллӣ дар арсаи байналмилалӣ, инчунин ҷалби сармоя ва инфрасохтори сайёҳӣ аз ҷониби Президенти Ҷумҳурии Тоҷикистон муҳтарам Эмомалӣ Раҳмон соли 2018 Соли рушди деҳот, сайёҳӣ ва ҳунарҳои мардумӣ эълон гардид.

Дар ин давра дар вилоят марказҳои ҳунарҳои мардумӣ бо садҳо ҷойи  корӣ бунёд гардид ва  ҳунармандон тавонистанд муваффақият ба даст оранду маҳсули эҷоди худро ба ҷаҳониён муаррифӣ намоянд.

Баъди шиносоӣ бо марказ Президенти мамлакат муҳтарам Эмомалӣ Раҳмон барои амалӣ намудани ин тадбири хайр ба масъулин барору муваффақият орзу карданд.
Ифтитоҳи Маркази ҳунарҳои мардумӣ ва атласу адрасбофӣ дар деҳоти Хистеварзи ноҳияи Бобоҷон Ғафуров 07.10.2021

Октябрь 7, 2021 11:48

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар шаҳри Панҷакент МТМУ №115-ро ифтитоҳ намуданд
Пешвои миллат Эмомалӣ Раҳмон дар шаҳри Панҷакент Муассисаи таҳсилоти томактабии «Нилуфар»-ро мавриди истифода қарор доданд
Сарвари давлат Эмомалӣ Раҳмон дар деҳаи Сангистони ноҳияи Айнӣ ба фаъолияти Маҷмааи фарҳангию фароғатии Боғистон оғоз бахшиданд
Президенти Ҷумҳурии Тоҷикистон Эмомалӣ Раҳмон дар ноҳияи Айнӣ ба таври фосилавӣ 4 корхонаи саноатӣ, 2 муассисаи таҳсилоти миёнаи умумӣ ва 6 кӯдакистонро мавриди истифода қарор доданд
Пешвои миллат Эмомалӣ Раҳмон дар ноҳияи Айнӣ ба таври маҷозӣ ба корҳои сохтмонии корхонаи Ҷамъияти саҳомии кушодаи Паҳндара Майнинг оғоз бахшиданд
Сарвари давлат Эмомалӣ Раҳмон дар деҳаи Сангистони ноҳияи Айнӣ хатти оби нӯшокиро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон Муассисаи таҳсилоти томактабии «Гулистон»-ро дар деҳаи Сангистони ноҳияи Айнӣ ба истифода доданд
Пешвои миллат Эмомалӣ Раҳмон дар ноҳияи Айнӣ гулгашт ва муҷассамаи Шоири халқии Тоҷикистон Гулназар Келдиро ифтитоҳ намуданд
Сафари кории Сарвари давлат Эмомалӣ Раҳмон ба вилояти Суғд аз ноҳияи Айнӣ оғоз ёфт
35-СОЛАГИИ ИСТИҚЛОЛИ ДАВЛАТӢ. Дар ноҳияи Рашт 307 иншоот бунёд карда мешавад
Сафари давлатии Президенти Ҷумҳурии Қирғизистон дар Ҷумҳурии Тоҷикистон анҷом ёфт
Сарони давлатҳои Тоҷикистону Қирғизистон Эмомалӣ Раҳмон ва Садир Жапаров аз Бӯстонсаройи беруназшаҳрии «Такоб» боздид намуданд