РАНГ БИНУ ҲОЛ ПУРС. Ва ё чаро супориши Пешвои миллат ҷиҳати ба кор андохтани корхонаҳои аз фаъолият бозмонда дар ноҳияи Рӯдакӣ иҷро намешавад?
РӮДАКӢ, 30.10.2021 /АМИТ «Ховар»/. Дар Корхонаи истеҳсоли маҳсулоти нонии ноҳияи Рӯдакӣ(ДАР АКС), ки ҳанӯз дар замони Иттиҳоди Шӯравӣ бунёд гардида буд, садҳо нафар шаҳрвандони ноҳия кор менамуданду ин корхонаи калон ноҳия ва як қисми шаҳри Душанберо бо маҳсулоти гуногуни нонӣ таъмин менамуд. Вале пас аз хусусӣ гардидани он ва беаҳамиятии масъулини ноҳияву соҳибкорон корхонаи бузурги истеҳсоли маҳсулоти нонӣ аз кор монд.
Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ирсоли паёмҳои ҳарсолаи хеш ва мулоқоту суханрониҳо пайваста ба масъулин супориш медиҳанд, ки ҷиҳати бунёди корхонаҳои нави истеҳсолӣ, ба кор андохтани корхонаҳои аз фаъолият бозмонда ва ташкили ҷойҳои корӣ тадбирҳои зарурӣ андешанд. Дар натиҷаи иҷрои супоришҳои созандаи Пешвои миллат ва меҳнати софдилонаи мардуми сарбаланди Тоҷикистон мо метавонем ҳадафи чорум-саноатикунонии мамлакатро, ки таъминкунандаи фардои гулафшони Ватан ба ҳисоб меравад, сарбаландона таъмин намоем.
Вале дар ин замина, яъне иҷрои саривақтии дастуру супоришҳои Сарвари давлат бархе масъулин саҳлангорӣ менамоянд. Аз ҷумла, тайи солҳои зиёд барои барқарор намудани корхонаи азими истеҳсоли маҳсулоти нонӣ дар ноҳияи Рӯдакӣ ҳеҷ иқдоме гирифта нашудааст.
Барои гирифтани маълумоти пурра дар бораи ин корхона хабарнигори минтақавии АМИТ «Ховар» Субҳониддини Маҳмуд ба масъулини мақомоти иҷроияи ҳокимияти давлатии ноҳияи Рӯдакӣ муроҷиати шифоҳӣ намуд, вале дар ҷавоб ба ӯ гуфтанд, ки “мудири бахши амволи ноҳия метавонад ба саволҳои шумо ҷавоб гӯяд, вале ҳоло ӯ дар рухсатии меҳнатӣ қарор дорад”, яъне масъулин бо ин баҳона маълумот доданро рад намуданд.
Масъулини ноҳияи Рӯдакиро зарур аст, ки бо соҳибкоре, ки айни замон ин корхона дар ихтиёраш қарор дорад, корҳои фаҳмондадиҳӣ гузаронида, ин корхонаи бузургро ба иқтидори истеҳсолии пешинааш баргардонанд. Дар сурати ба кор даромадани он даҳҳо нафар сокинон бо ҷойи кор таъмин гардида, ба ин восита метавон дар амалӣ намудани ҳадафи чоруми стратегӣ -саноатикунонии мамлакат саҳм гузошт.
Тибқи зарбулмасали “Ранг бину ҳол пурс” аксҳои зер манзур мешаванд, ки дар онҳо дохили корхонаи мазкур мунъакис гаштаанд.
АКСҲО:АМИТ «Ховар»
НАЗАРИ КОРШИНОС. Рушди минбаъдаи иқтисодиёти Тоҷикистон бояд ба рушди фаъолияти соҳибкорию бахши хусусӣ нигаронида шавад
Дар Душанбе ба маблағи зиёда аз 47 миллион доллар созишномаҳои грантӣ ба имзо расиданд
Байни Кумитаи бехатарии озуқавории Тоҷикистон ва Кумитаи назорат ва бозрасии ветеринарии Вазорати кишоварзии Қазоқистон Ёддошти тафоҳум ба имзо расид
ИМЗОИ ЁДДОШТИ ТАФОҲУМ. Тоҷикистон ва Қазоқистон ҳамкориро дар соҳаи нафту газ тақвият мебахшанд
Таҷрибаи Қазоқистон дар самти иқтисоди рақамӣ, ҳукумати электронӣ ва ҳисоббаробаркунии ғайринақдӣ мавриди истифодаи Тоҷикистон қарор мегирад
Дар ноҳияи Зафаробод коргоҳи истеҳсоли мумфарш ба фаъолият оғоз намуд
Байни Тоҷикистон ва Қазоқистон Ёддошти тафоҳум оид ба ҳамкорӣ дар соҳаи стандартизатсия, метрология ва баҳодиҳии мутобиқат ба имзо расид
Шарикони рушд дар барқарорсозии роҳу пулҳои аз офатҳои табиӣ зарардида кумак менамоянд
Агентии «Тоҷикстандарт» ба соҳибкорон моҳияти татбиқи стандартҳои байналмилалиро меомӯзонад
ТОҶИКИСТОН ВА ҚАЗОҚИСТОН. Гардиши тиҷорати хориҷӣ байни ду давлат соли гузашта 1,2 миллиард доллари ИМА-ро ташкил дод
Дар Душанбе дурнамои ҳамкорӣ бо Хазинаи кувайтии рушди иқтисодии араб баррасӣ гардид
Дар қитъаҳои осебпазири роҳҳои мошингарди Тоҷикистон 51 долони зиддитармавӣ сохта мешавад
