Вазоратҳои молияи Тоҷикистон ва Узбекистон Ёддошти тафоҳум оид ба ҳамкорӣ ба имзо расониданд
ДУШАНБЕ, 01.10.2021 /АМИТ «Ховар»/. 30 сентябр, дар рӯзи дуюми баргузории нахустин Форуми иқтисодии Узбекистон маросими баимзорасонии Ёддошти тафоҳум оид ба ҳамкорӣ миёни Вазорати молияи Ҷумҳурии Тоҷикистон ва Вазорати молияи Ҷумҳурии Узбекистон баргузор гардид, хабар доданд ба АМИТ «Ховар» аз Вазорати молияи ҷумҳурӣ.
Ёддошти тафоҳумро аз ҷониби Тоҷикистон Вазири молияи Ҷумҳурии Тоҷикистон Файзиддин Қаҳҳорзода ва аз ҷониби Узбекистон Вазири молияи Ҷумҳурии Узбекистон Тимур Ишметов ба имзо расониданд.
Ба имзо расидани санади мазкур ба тавсеаи минбаъдаи ҳамкорӣ миёни Вазорати молияи Ҷумҳурии Тоҷикистон ва Вазорати молияи Ҷумҳурии Узбекистон дар самти баланд бардоштани самаранокии идоракунии молияи давлатӣ мусоидат менамояд.
Ёдовар мешавем, ки 29-30 сентябр дар шаҳри Тошканди Узбекистон нахустин Форуми иқтисодии Узбекистон бо иштироки намояндагони воломақоми давлатҳо, созмонҳои байналмилалии молиявӣ, бонкҳо ва сармоягузорон, инчунин ширкатҳои аудиторию консалтингӣ баргузор гардид.
Ҳадаф аз баргузории Форум баррасии ташаббусҳои глобалӣ дар самти ноилшавӣ ба Ҳадафҳои рушди устувор, масъалаҳои марбут ба рушди бозори сармоя, татбиқи лоиҳаҳои шарикии давлат ва бахши хусусӣ, инчунин рушди ҳамкории иқтисодию тиҷоратӣ миёни кишварҳои минтақа ба ҳисоб меравад.
АКСҲО: Вазорати молияи ҶТ
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид
