«ҲАМРОҲ БИХОНЕМ». Ба 3001 мактаби Тоҷикистон китобҳои кӯдаконаи бадеӣ бо забонҳои тоҷикӣ ва русӣ ройгон дастрас гардиданд
ДУШАНБЕ, 18.11.2021. /АМИТ «Ховар»/. Бо мақсади таҳияи китобҳои бадеии баландмазмун лоиҳаи «Ҳамроҳ бихонем» дар ҳамкорӣ бо Вазорати маориф ва илм ва Иттифоқи нависандагони Тоҷикистон муаллифон, рассомон ва тарроҳонро ба курсҳои омӯзишӣ фаро гирифта, сипас 179 номгӯй китоби бадеии кӯдаконаро бо теъдоди 1,3 миллиард нусха бо забонҳои тоҷикӣ ва русӣ таҳия намуд, ки ба 3001 муассисаи таълимӣ ройгон дастрас карда шуд. Ин нукта дирӯз зимни вохӯрии Вазири маориф ва илми Ҷумҳурии Тоҷикистон Муҳаммадюсуф Имомзода бо директори навтаъйини Агентии рушди байналмилалии Иёлоти Муттаҳидаи Америка (АРБИМА, USAID) дар Тоҷикистон Питер Райли баён гардид, иттилоъ доданд аз маркази матбуоти Вазорати маориф ва илми Ҷумҳурии Тоҷикистон.
Зикр гардид, ки аз соли 2018 то моҳи апрели соли 2021 зиёда аз 27 ҳазору 500 нафар омӯзгори синфҳои ибтидоӣ, 2590 нафар директор ва зиёда аз 3000 нафар китобдорони муассисаҳои таълимӣ бо мақсади тақвияти малакаҳои хониш, банақшагирӣ ва гузаронидани чорабиниҳои беруназдарсӣ оид ба бедор намудани шавқи хондан ба курсҳои омӯзишӣ фаро гирифта шуданд.
Дар ҷараёни вохӯрӣ Муҳаммадюсуф Имомзода аз ҳамкории ҷойдошта миёни Вазорати маориф ва илм ва Агентии рушди байналмилалии Иёлоти Муттаҳидаи Америка изҳори қаноатмандӣ намуда, иброз дошт, ки яке аз корҳои назарраси анҷомёфта дар самти ҳамкорӣ татбиқи лоиҳаи «Ҳамроҳ бихонем» мебошад.
директори навтаъйини Агентии рушди байналмилалии Иёлоти Муттаҳидаи Америка Питер Райли ба роҳбарияти Вазорати маориф ва илм ҷиҳати дастгирӣ ва татбиқи лоиҳаҳои амалкунанда, хусусан лоиҳаи «Ҳамроҳ бихонем» изҳори сипос намуда, ҳамзамон зикр кард, ки Агентии рушди байналмилалии Иёлоти Муттаҳидаи Америка баъд аз анҷоми лоиҳаи «Ҳамроҳ бихонем» лоиҳаи «Якҷоя меомӯзем»-ро таҳия намудааст, ки баъд аз имзои Ёддошти тафоҳум миёни вазорат ва АРБИМА ба фаъолият шурӯъ мекунад.
Дар фарҷоми вохӯрӣ ҷонибҳо иброз доштанд, ки баҳри тақвият додани ҳамкорӣ тадбирҳои дахлдор андешида мешаванд.
АКС: Вазорати маориф ва илми ҶТ
Ғолибони озмуни «Шоҳин» муайян гардиданд
«БУНЁДИ МИЛЛАТ АЗ МАОРИФ ОҒОЗ МЕЁБАД». Ҷаласаи солонаи ҳайати мушовара дар Вазорати маориф ва илми мамлакат
Дар Душанбе ғолибони олимпиадаҳои байналмилалӣ қадрдонӣ гардиданд
«РУШДИ МАОРИФ ДАР МЕҲВАРИ ПАЁМИ ПРЕЗИДЕНТ». Таҳти ин унвон дар Душанбе ҳамоиши кормандони соҳа доир гардид
«САГВАФО». Имрӯз ба зодрӯзи муаллифи ин ҳикояи марғуб Шоири халқии Тоҷикистон Ғаффор Мирзо 93 сол пур мешавад
БАРНОМАИ ФУЛБРАЙТ. Омӯзгорони тоҷик метавонанд дар мактабҳои Амрико таҷриба омӯзанд, дарс гӯянд, маҳораташонро такмил дода, ба хонандагону донишҷӯёни ИМА давлати худро муаррифӣ кунанд
Соли 2021 олимони АМИТ 18 патент барои ихтироот ва 21 қарори мусбат оид ба додани патенти Тоҷикистон барои ихтироотро ба даст оварданд
Театри давлатии академии опера ва балети Тоҷикистон ва Театри давлатии академии калони Узбекистон Ёддошти тафоҳум ба имзо расониданд
БЛИНКЕН МУСИҚИИ ТОҶИКИРО ДӮСТ МЕДОРАД. Роҳбари Департаменти давлатии ИМА дар бораи сурудҳои дӯстдоштааш изҳори назар намуд
ИМРӮЗ- РӮЗИ ТАВАЛЛУДИ НЮТОН. Барои чӣ мо бояд дар ин бора донем ва чаро Президенти Ҷумҳурии Тоҷикистон солҳои 2020-2040-ро Бистсолаи омӯзиш ва рушди илмҳои табиатшиносӣ, дақиқ ва риёзӣ дар соҳаи илму маориф эълон карданд?
Дар давраи таътил дар Суғд озмуни вилоятии «Китобхони беҳтарин» гузаронида мешавад
«Донишномаи Донишгоҳи омӯзгорӣ» интишор шуд
