Бо мақсади пешгирии бемории COVID-19 дар Душанбе ҳамоиши серӯзаи омӯзишӣ доир шуд
ДУШАНБЕ, 20.11.2021 /АМИТ «Ховар»/. Дар Душанбе машварати серӯзаи омӯзишии «Нақши ВАО дар замони пандемияи COVID-19» барои хабарнигорони воситаҳои ахбори оммаи Ҷумҳурии Тоҷикистон ва кормандони марказҳои матбуотии вазорату идораҳо доир шуд.
Тавре хабарнигори АМИТ «Ховар» иттилоъ медиҳад, ҳамоиши мазкур бо ташаббуси Вазорати тандурустӣ ва ҳифзи иҷтимоии аҳолии мамлакат дар доираи Лоиҳаи фавқулодаи муқовимат бо вируси COVID-19 дар Ҷумҳурии Тоҷикистон баргузор гардида, ҳадафи асосии он баланд бардоштани сатҳи огоҳии кормандони ВАО доир ба бемории сироятии COVID-19, роҳҳои дурусти пешниҳоди иттилоот тавассути шабакаҳои ВАО мебошад.
Муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода доир ба нақши рӯзноманигорон дар давраи пандемияи COVID-19, вазъи сирояти коронавирус ва маъракаи ваксинатсия бар зидди бемории мазкур дар Тоҷикистон сухан гуфт. Ҳамчунин мавсуф нақши ВАО- ро дар пешгирӣ ва огоҳонидани аҳолӣ ҷиҳати бемории COVID-19 муҳим ва назаррас арзёбӣ кард.
Дар ҷараёни ҳамоиш дар баробари масъалаҳои муҳофизат аз COVID-19, инчунин масъалаи ваксинатсия низ баррасӣ гардид. Зикр шуд, ки ваксина яке аз роҳҳои ҷилавгирӣ аз паҳншавии эпидемияи COVID-19 на танҳо дар Тоҷикистон, балки дар тамоми ҷаҳон мебошад. Аз ин рӯ боварӣ меравад, ки рӯзноманигорон бо пешниҳоди маводи худ ҷиҳати пешгирии COVID-19 кумак менамоянд.
АКС аз Вазорати тандурустӣ ва ҳифзи иҷтимоии аҳолии ҶТ
Оид ба робитаи фалсафа бо зеҳни сунъӣ машварат баргузор шуд
Бахшида ба Рӯзи ҳуқуқи инсон дар Маркази тадқиқоти стратегӣ конфронс доир шуд
Раиси Маҷлиси намояндагон бо ҳайати комиссияи экспертии Агентии мустақили аккредитатсия ва рейтинг вохӯрӣ намуд
«ШОҲНОМА»-ТУҲФАИ БЕНАЗИРИ ПЕШВОИ МИЛЛАТ. Ба сокинони шаҳри Гулистон ин асари безавол тақдим мегардад
Дар шаҳри Бӯстон бо ҷавонони фаъол оид ба тарбияи ватандӯстии шаҳрвандон вохӯрӣ доир шуд
Деҳқонони шаҳри Ҳисор нақшаи ҷамъоварии пахтаро пурра иҷро намуданд
Имрӯз дар баъзе ноҳияҳои кӯҳии Тоҷикистон бориши борон дар назар аст
Сокини деҳаи Деваштичи шаҳри Панҷакент бо истифода аз панелҳои офтобӣ чорворо бо хӯроки сабз таъмин менамояд
НАМУНАИ ИБРАТ. Дар биноҳои баландошёнаи навбунёди шаҳри Хуҷанд панелҳои офтобӣ насб мегарданд
5 декабр дар Тоҷикистон бориши борон ва барф пешгӯӣ карда мешавад
Дар Вазорати рушди иқтисод ва савдо сатҳи омодагии вилояти Суғд ба фасли зимистон баррасӣ гардид
Дар роҳи Душанбе-Чанок 690 километр хатҳои уфуқӣ кашида шуданд
