Дар Душанбе Рӯзи ҷаҳонии мубориза бо СПИД таҷлил мешавад
ДУШАНБЕ, 29.11.2021 /АМИТ «Ховар»/. 1 декабр дар шаҳри Душанбе таҳти унвони «30 соли талош ва вокуниши муштарак» ҳамоиш баргузор мешавад, иттилоъ доданд ба хабарнигори АМИТ «Ховар» аз Муассисаи давлатии «Маркази ҷумҳуриявии пешгирӣ ва мубориза бар зидди бемории ВНМО».
Ҳамоиши мазкур ба Рӯзи ҷаҳонии мубориза бо Бемории пайдошудаи норасоии масуният (ВИЧ/СПИД), ки ҳамасола 1 декабр дар тамоми ҷаҳон таҷлил мешавад, бахшида шудааст. Он соли 1988 бо қарори Созмони ҷаҳонии тандурустӣ ва Ассамблеяи генералии СММ таъсис дода шудааст.
Дар ҷараёни ҳамоиш гӯшае барои намоишгоҳ ташкил карда мешавад.
Дар ҳамоиш иштироки муовини аввали Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ғафур Муҳсинзода ва Намояндаи доимии СММ дар Тоҷикистон Сезин Синаноғлу дар назар аст.
Дар ҳамоиш оид ба таърихи сирояти ВНМО, таърихи пайдоиши рамзи Лентаи сурх, баргузории викторинаҳо маълумот дода мешавад, инчунин маросими супоридани ҷоизаҳо ба шарикон ва мутахассисони соҳаи ВНМО/СПИД баргузор мегардад.
Ёдовар мешавем, ки аввалин ҳолатҳои гирифторӣ ба ин беморӣ охири солҳои 1970 дар Шветсия, ИМА, Танзания ва Гаитӣ ошкор шуда буданд. Истилоҳи “СПИД” (синдроми пайдошудаи норасоии масуният) аз ҷониби табибон соли 1981 ошкор карда шудааст. Пас аз ду сол табиби фаронсавӣ Люк Монтане ва ҳамкорони ӯ тавонистанд мавҷудияти сирояти ВИЧ-ро исбот кунанд.
АКС аз манбаъҳои боз
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
