Дар ноҳияи Фирдавсии пойтахт корхонаи истеҳсолии «АРЧА» ва гулгашти нав ба истифода дода шуд

Ноябрь 18, 2021 15:52

ДУШАНБЕ, 18.11.2021. /АМИТ «Ховар»/. Бахшида ба таҷлили 30-солагии Истиқлоли давлатии Ҷумҳурии Тоҷикистон  дар ноҳияи Фирдавсии  шаҳри Душанбе  корхонаи «АРЧА» ба фаъолият шурӯъ кард, ки дар он  маҳсулоти хушсифати  сохтмонӣ,  ба монанди дару тирез, дигар масолеҳи чӯбин, тахтасангҳо ва амсоли он истеҳсол карда мешаванд, иттилоъ доданд аз шуъбаи иттилоотии дастгоҳи Раиси шаҳри Душанбе ба АМИТ «Ховар».

Зимни ба истифода додани корхонаи мазкур  муовини Раиси шаҳри Душанбе Фирдавс Саидзода ва роҳбарияти мақомоти иҷроияи ҳокимияти давлатии ноҳияи Фирдавсӣ иштирок намуданд.

Дар корхонаҳои болозикр маҳсулоти ба талаботу стандартҳои ҷаҳонӣ ҷавобгӯ истеҳсол гардида,  метавонанд дар ин самт маҳсулоти воридотиро иваз намоянд. Имрӯзҳо маҳсулоти корхонаҳои «АРЧА» дар нуқтаҳои фурӯши шаҳру ноҳияҳои мамлакат ба муомилот бароварда  шудаанд. Дар баробари ин, ширкат фурӯши маҳсулоти худро дар бозорҳои беруна ба роҳ мондааст. Фаъолияти чунин корҳонаҳои истеҳсолӣ барои рушди истеҳсолот, пайдо шудани ҷойҳои нави корӣ ва рушди соҳибкорӣ дар  мамлакат мусоидат менамояд.

Инчунин, давоми ҳафта дар ҳудуди ноҳияи Фирдавсӣ як гулгашти нав мавриди истифода қарор дода шуд. Ин амал дар заминаи корҳои ободонӣ ва созандагӣ дар ҳудуди ноҳия роҳандозӣ шудааст. Дар гулгашт роҳравҳо, нишасткурсиҳо барои сокинон ва намудҳои гуногуни дарахтони ороишиву сояафкан шинонида шудааст, ки зебоии ин минтақаро афзудаанд. Сокинони биноҳои атрофи ин майдони зебову сарсабз аз он қаноатманданд, ки дар ҳудуди шаҳраки онҳо чунин мавзеи фароғатӣ созмон дода шудааст.

Ин гулгашт аз ҷониби сохторҳои ноҳиявӣ бунёд гардида, ба масоҳати 1096 метри мураббаъ сафолакпӯш ва 1115 метри мураббаи он мумфарш гардидааст. Инчунин дар ҳудуди он 153 бех дарахти каталпа, 86 бех сосна, 47 бех арча шинонида шудаанд, ки ҳоло шукуфоии онҳо сарсабзии ин гӯшаи шаҳрро таъмин намудаанд. Низоми обёрии гулгашт дар масоҳати 1982 метри тулонӣ роҳандозӣ гардидааст. Илова бар ин, 26 адад нишасткурсӣ дар гулгашт гузошта шуда, 125 адад чароғҳо шабона равшании онро таъмин менамоянд. Гуфта мешавад, ки чунин корҳои ободонӣ барои боз ҳам назаррабо гардидани гӯшаву канори шаҳри Душанбе мусоидат мекунад. Дар оянда низ чунин тадбирҳои созандагӣ ташкилу роҳандозӣ мегардад.

АКСҲО аз шуъбаи иттилоотии дастгоҳи Раиси шаҳри Душанбе

Ноябрь 18, 2021 15:52

Хабарҳои дигари ин бахш

Дар баъзе аз кӯчаҳои пойтахт ҳаракати воситаҳои нақлиёт муваққатан қатъ карда мешавад
DITE-2025. Бо ташаббуси Рустами Эмомалӣ Душанбе ба маркази сайёҳии минтақа табдил меёбад
Дар Душанбе 37 фоизи кӯдакони синни томактабӣ ба таълиму тарбияи аввалия фаро гирифта шудаанд
15 июл иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
ТАЪТИЛИ БОФАРОҒАТ. Дар Душанбе 47 майдончаи тандурустиву солимгардонӣ ташкил гардидааст
ҶОМИ РАИСИ ШАҲРИ ДУШАНБЕ. Мусобиқаи футболи хурд байни кормандони вазорату идораҳо ҷамъбаст шуд
Иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
Пагоҳ дар Душанбе ба муносибати Рӯзи Ваҳдати миллӣ барномаи фарҳангӣ доир мешавад
Дилбар Одилзода: «Ваҳдати миллӣ ва рушди зан дар Тоҷикистон ду раванди бо ҳам пайвастанд»
Раиси шаҳри Душанбе бинои шуъбаи Вазорати корҳои дохилӣ дар ноҳияи Исмоили Сомониро ифтитоҳ намуданд
Рустами Эмомалӣ роҳи мошингарди кӯчаи Бухоро пайваст ба кӯчаи Ҳабибулло Назаровро мавриди истифода қарор доданд
Рустами Эмомалӣ бо Шайх Сурур бин Муҳаммад Оли Наҳён мулоқот намуданд