Имрӯз Қоҳир Расулзода дар ҷаласаи Шӯрои сарони ҳукуматҳои кишварҳои ИДМ иштирок мекунад

Ноябрь 12, 2021 10:39

ДУШАНБЕ, 12.11.2021 /АМИТ «Ховар»/. Имрӯз, 12 ноябр Сарвазири Тоҷикистон Қоҳир Расулзода дар ҷаласаи Шӯрои сарони ҳукуматҳои кишварҳои узви Иттиҳоди Давлатҳои Мустақил (ИДМ), ки тариқи видеоконфронс баргузор мешавад, иштирок мекунад. Ҷаласа соати 12:00 ба вақти Душанбе оғоз мегардад.

Тавре ба АМИТ «Ховар» маълум гардид, дар ҷаласа ба мавзӯъҳои мубориза бо паҳншавии коронавирус ва барқарорсозии иқтисодиёти кишварҳои ИДМ бар асари таъсири пандемия таваҷҷуҳ зоҳир карда мешавад.

Илова бар ин, дар назар аст, ки дар ҷаласа масъалаҳои рушди минтақаи озоди савдои ИДМ, нақлиёти роҳи оҳан ва ҳамкории инноватсионӣ баррасӣ шаванд. Тавре дар маводи ҷаласа зикр шудааст, аз ҷумла дар назар аст, ки Консепсияи рушди стратегии нақлиёти роҳи оҳан дар «фазои 1520» барои давраи то соли 2030 тасдиқ гардад. Лоиҳаи консепсия самтҳои афзалиятноки рушди роҳи оҳани паҳноияш 1520 мм-ро муайян мекунад, ки шабакаҳои роҳи оҳани 19 давлат, аз ҷумла ҳамаи кишварҳои ИДМ-ро муттаҳид менамояд.

Инчунин дар ин санад маҷмӯи тадбирҳо оид ба қонеъ гардонидани эҳтиёҷоти нақлиёти роҳи оҳани мусофирон ва борҳо пешбинӣ шудаанд.

Интизор меравад, ки сарони ҳукуматҳо доир ба масъалаҳои мубрами ҳамкории иқтисодӣ дар ИДМ табодули афкор намуда, мавзӯъҳои мелиоративии қаламравҳои аз истихроҷи уран зарардида ва рушди нақлиёти роҳи оҳанро баррасӣ кунанд.

Илова бар ин дар назар аст, ки дар бораи раиси Кумитаи ҷанговарони интернатсионалист дар назди Шӯрои сарони ҳукуматҳои давлатҳои ИДМ карор кабул карда, сана ва ҷои баргузории ҷаласаи навбатии Шӯрои сарони ҳукуматҳо гардад.

Ҳамчунин имзои санадҳои танзимкунандаи ҳамкории кишварҳои Иттиҳод дар соҳаи ҳуқуқи муаллиф ва ҳуқуқҳои вобаста ба шабакаҳои иттилоотию телекоммуникатсионӣ, ҳамкории инноватсионӣ дар назар аст.

Интизор меравад, ки дар ҷаласа тарҳи Барномаи тадбирҳо оид ба баргузор намудани Соли рушди ҳунарҳои мардумӣ ва мероси фарҳангӣ дар кишварҳои ИДМ барои соли 2022 ба тасвиб расад.

Тавре интизор меравад, аз рӯйи натиҷаҳои ҷаласа қарорҳое қабул карда мешаванд, ки татбиқи барномаи байнидавлатӣ оид ба баланд бардоштани сатҳи зиндагии собиқадорони ҷанг-иштирокчиёни низоъҳои маҳаллӣ ва оилаҳои онҳо, инчунин гузаронидани корҳои чустуҷӯии хизматчиёни ҳарбиро, ки солҳои 1979-1989 дар ҷанги Афғонистон бедарак шудаанд, дар бар мегиранд.

Ҳамчунин интизор меравад, ки дар поёни ҷаласа сарони ҳукуматҳои ИДМ якчанд шартномаҳои байналмилалиро ба тасвиб расонанд.

Дар доираи татбиқи Барномаи байнидавлатии ҳамкории инноватсионӣ барои давраи то соли 2030 дар назар аст, ки нақшаи ҳамаҷонибаи тадбирҳо барои солҳои 2021-2025 тасдиқ карда шавад.

Ҳамчунин ба раҳбарони ҳайатҳо пешниҳод карда мешавад, ки нақшаи баргузории Соли ҳунарҳои мардумӣ ва мероси фарҳангиро дар соли 2022 дар чаҳорчӯби ИДМ тасдиқ намоянд.

АКС аз бойгонӣ

Ноябрь 12, 2021 10:39

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»