ОБУ ҲАВО: Имрӯз дар Тоҷикистон ҳавои камабр ва тағйирёбанда дар назар аст

ДУШАНБЕ, 11.11.2021 /АМИТ “Ховар”/. Имрӯз дар ҷумҳурӣ ҳавои камабр  ва тағйирёбанда дар назар аст, иттилоъ медиҳад  Агентии обуҳавошиносии Тоҷикистон ба АМИТ «Ховар». 

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, саҳаргоҳон дар баъзе ноҳияҳо бориши сусти барф дар назар аст. Рӯзона ҳаво бебориш мешавад.  Шамол аз самти ғарб бо гузариш ба шарқ бо суръати 4-9 метр дар як сония мевазад.  Ҳаво дар ғарби вилоят шабона  аз 3 дараҷа хунук  то 2 дараҷа гарм, дар баъзе ноҳияҳо то 2-7 дараҷа хунук ва рӯзона 7+12 дараҷа гарм мешавад. Дар шарқи вилоят ҳаво шабона 16-21 дараҷа  хунук, рӯзона аз 3 дараҷа  хунук то 2 дараҷа гарм  мешавад.

Ҳаво дар вилояти Суғд камабр  ва дар баъзе ноҳияҳо тағйирёбанда шуда, дар ноҳияҳои алоҳида тормеғ мефарояд. Шамол  аз самти ғарб бо гузариш ба шарқ бо суръати 4-9 ва дар баъзе ноҳияҳо бо шиддатнокии то 10-15 метр дар як сония мевазад. Ҳаво  дар водиҳо шабона 0+5 дараҷа гарм  ва рӯзона 11+16  дараҷа гарм мешавад.  Дар ноҳияҳои кӯҳӣ ҳаво шабона  3-8 дараҷа хунук  рӯзона 3+8  дараҷа гарм мешавад.

Дар вилояти Хатлон  ҳавои камабри бебориш дар назар буда, дар баъзе ноҳияҳо тормеғ мефарояд. Шамол аз самти ғарб бо гузариш ба шарқ бо суръати 4-9  метр дар як сония мевазад.  Ҳаво дар водиҳо шабона 2+7  дараҷа гарм  ва рӯзона 13+18  дараҷа гарм мешавад.  Дар доманакӯҳҳо ҳаво шабона аз 2 дараҷа хунук то 3 дараҷа гарм ва рӯзона 9+14 дараҷа гарм мешавад.

Дар шаҳру ноҳияҳои тобеи марказ ҳаво камабр, дар баъзе ноҳияҳо тағйирёбанда шуда, саҳаргоҳон дар ноҳияҳои алоҳидаи кӯҳӣ барф меборад. Дар баъзе ноҳияҳо тормеғ мефарояд. Шамол аз самти ғарб бо гузариш ба шарқ бо суръати 4-9 метр дар як сония мевазад.  Ҳаво  дар водиҳо  шабона аз 1 дараҷа хунук то 4 дараҷа гарм ва рӯзона  12+17  дараҷа гарм мешавад.  Дар ноҳияҳои кӯҳӣ ҳаво шабона 2-7 дараҷа хунук, рӯзона 6+11 дараҷа гарм мешавад.

Дар  шаҳри Душанбе ҳавои камабри бебориш дар назар буда, туман мефарояд.  Шамол аз самти ғарб бо гузариш ба шарқ бо суръати 4-9 метр дар як сония мевазад. Ҳаво шабона  0+2 дараҷа гарм ва рӯзона 14+16 дараҷа гарм мешавад.