Панҷ нафар корманди Бонки миллии Тоҷикистон бо медали ҷашнии 20-солагии СҲШ сарфароз гардонида шуданд
ДУШАНБЕ, 17.11.2021 /АМИТ «Ховар»/. Бо мақсади саҳми арзанда гузоштан дар раванди рушди Созмони Ҳамкории Шанхай /СҲШ/ панҷ нафар корманди Бонки миллии Тоҷикистон — муовини Раиси БМТ Фирдавс Толибзода, директори Департаменти муомилоти пулӣ ва амалиёти хазинадорӣ Алиҷон Салимов, сардори Идораи муносибатҳои байналмилалӣ Зуҳро Ҳалимова, сардори шуъбаи матбуот Мавҷуда Ҳасанова ва сардори Хадамоти ташрифоти дастгоҳи роҳбарияти БМТ Дилшод Ҳавлоев бо медали ҷашнии 20-солагии Созмони Ҳамкории Шанхай сарфароз гардонида шуданд.
Аз БМТ ба АМИТ «Ховар» иттилоъ доданд, ки медали ҷашнии 20-солагии СҲШ-ро дар ҷаласаи тантанавӣ Раиси Бонки миллии Тоҷикистон Ҳоким Холиқзода ба кормандони БМТ супорид.
Мавриди зикр аст, ки 17 сентябри соли 2021 дар Ҷумҳурии Тоҷикистон 20-умин нишасти ҷашнии сарони Шӯрои давлатҳои узви СҲШ, ки Ҷумҳурии Тоҷикистон ин навбат раисии раёсати СҲШ-ро ба уҳда дошт, таҳти Раёсати Президенти Ҷумҳурии Тоҷикистон муҳтарам Эмомалӣ Раҳмон ва роҳбарони давлатҳои аъзои СҲШ дар сатҳи баланд ташкил ва гузаронида шуд.
Барои дар сатҳи баланди ташкилӣ доир шудани чорабинии бонуфуз ва саҳм гузоштан дар рушди СҲШ роҳбарон ва кормандони якчанд вазорату идораҳо бо пешниҳоди Ҳукумати Ҷумҳурии Тоҷикистон бо қарори котиботи генералии СҲШ бо медали 20-солагии СҲШ сарфароз гардиданд.
АКСҲО: БМТ
Дар нимсолаи якуми соли 2026 қурби расмии доллари амрикоӣ нисбат ба сомонӣ 0,17 фоиз баланд шуд
ҚУРБИ АСЪОР: 1 рубли русӣ аз 0.1080 то 0.1195 сомонӣ муқаррар шудааст
Ҳаҷми дороиҳо, уҳдадориҳо ва сармояи ташкилоти қарзии молиявӣ зиёд гардидааст
Дар нимсолаи якуми соли 2026 дороиҳои «Саноатсодиротбонк» 1,3 миллиард сомониро ташкил дод
«Амонатбонк» ба 143 муштарӣ дар ҳаҷми 8,5 миллион сомонӣ қарзи ипотекӣ пешниҳод намуд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
