Раиси вилояти Суғд бо корҳои таҷдиду навсозии Неругоҳи барқи обии «Қайроққум» шинос гардид

Ноябрь 27, 2021 10:08

ДУШАНБЕ, 27.11.2021 /АМИТ «Ховар»/. Бо татбиқи пурраи лоиҳаи «Таҷдиди Неругоҳи барқи обии Қайроққум», ки муҳлати он 57 моҳ, яъне аз соли 2019 то соли 2023 муайян шудааст, иқтидори лоиҳавии ҳар як агрегати неругоҳи мазкур аз 21 мегаватт қариб то 30 ва дар маҷмӯъ тавоноии он аз 126 мегаватт то ба 176 мегаватт расонида хоҳад шуд. Дар ин бора Раиси вилояти Суғд Раҷаббой Аҳмадзода зимни шиносоӣ бо ҷараёни корҳои таҷдиду навсозии Неругоҳи барқи обии «Қайроққум» дар шаҳри Гулистон изҳори назар намуд, хабар медиҳад АМИТ «Ховар» бо истинод ба Хадамоти матбуоти раиси вилояти Суғд.

Мавриди зикр аст, ки НБО «Қайроққум» дорои шаш агрегат буда, корҳои сохтмонии он соли 1952 оғоз гардидаанд. Агрегати якуми он бо иқтидори 21 мегаватт 15 декабри соли 1956 ба кор дароварда шудааст. Иншооти гидроэнергетикӣ аз 20 ноябри соли 1957 бо иқтидори пурраи 126 мегаватт фаъолият намуда, бо сабаби фаъолияти беш аз нимасра таҷҳизоти неругоҳ кӯҳнаю фарсуда гардида, зарурати таҷдид ва навсозии онро ба миён овард.

Дар асоси дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон айни замон лоиҳаи «Таҷдиди Неругоҳи барқи обии Қайроққум» амалӣ шуда истода, таҷдиди асосии неругоҳ, иншооти ёрирасон ва гидротехникии он марҳила ба марҳила сурат мегирад.

Раиси вилоят зимни шиносоӣ бо ёдоварӣ аз талошҳои Пешвои миллат муҳтарам Эмомалӣ Раҳмон дар самти ноил гардидан ба яке аз ҳадафҳои стратегии мамлакат- истиқлолияти энергетикӣ барои иҷрои босифати корҳо ва дар муҳлати муайянгардида татбиқ намудани лоиҳа ба масъулин супоришҳо дод.

 

АКСҲО аз Хадамоти матбуоти Раиси в. Суғд

 

 

Ноябрь 27, 2021 10:08

Хабарҳои дигари ин бахш

Тоҷикистон ва Маҷористон ҳамкориро дар соҳаи авиатсия рушд медиҳанд
«ХАТЛОН ИНВЕСТ-2024». Дар шаҳри Бохтар Форуми байналмилалии сармоягузорӣ доир мегардад
Дар Брюсел фаъолияти CANSO дар нимаи аввали соли 2024 натиҷагирӣ гардид
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар шаҳри Хоруғ ситоди махсуси Форуми соҳибкорию сармоягузории «Помиринвест-2024» таъсис ёфт
НИШАСТИ МАТБУОТӢ. Аз тарафи геологони тоҷик ба 340 хоҷагӣ пешниҳоди кӯчидан ба ҷойи бехавф дода шуд
Дар Душанбе ҷаласаи Шурои роҳбарикунандаи Барномаи махсуси Созмони Милали Муттаҳид баргузор мегардад
Корхонаи воҳиди давлатии «Тоҷикаэронавигатсия» аъзои SOCEA гардид
Дар Душанбе тақвияти ҳамкорӣ дар соҳаи рақамисозӣ ва рушди логистика байни Тоҷикистон ва Амрико баррасӣ гардид
Тоҷикистон аз давлати аграрӣ ба мамлакати индустриалӣ — аграрӣ табдил дода мешавад. Эҳдо ба Рӯзи кормандони соҳаи металлургӣ
«Ҷавоҳироти заргарии Зарафшон» маҳсулоти заргарии мутобиқ ба талаботи бозорҳои байналмилалӣ истеҳсол менамояд
Дар Бонки миллии Тоҷикистон масъалаи муқовимат ба қонунигардонии даромадҳои бо роҳи ҷиноят бадастоварда баррасӣ гардид