Таҳкими ҳамкории Тоҷикистон ва Туркия дар бахши ҳифзи муҳити зист дар Глазго баррасӣ шуд
ДУШАНБЕ, 10.11.2021 /АМИТ «Ховар»/. Тоҷикистон ва Туркия ҳамкориро дар бахши ҳифзи муҳити зист таҳким мебахшанд. Ин ва дигар масъалаҳо дар мулоқоти раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо вазири муҳити зист, шаҳрсозӣ ва тағйирёбии иқлими Ҷумҳурии Туркия Мурат Курум 8 ноябр дар доираи Конфронси 26-уми СММ оид ба тағйирёбии иқлим, ки дар шаҳри Глазгои Британияи Кабир доир гардид, баррасӣ шуданд.
Ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд, ки дар мулоқот мусоҳибон дар радифи баррасии масъалаҳои марбут ба таҳкими ҳамкории судманд миёни мақомоти ҳифзи муҳити зисти Тоҷикистон ва Туркия инчунин доир ба ташаббуси Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани соли 2025 Соли ҳифзи пиряхҳо ибрози назар намуда, онро ташаббуси саривақтӣ ва муҳим арзёбӣ намуданд.
Роҳбарони мақомоти ҳифзи муҳити зисти Тоҷикистон ва Туркия инчунин масъалаҳои марбут ба тавсеаи ҳамкорӣ дар соҳаи муҳити зист, ҳусусан муҳофизати табиат ва коркарди партовҳои сахти маиширо муҳокима намуданд.
Вазири муҳити зист, шаҳрсозӣ ва тағйирёбии иқлими Туркия Мурат Курум доир ба ташаббуси бонуи якуми Ҷумҳурии Туркия хонум Эмине Эрдуғон оид ба кам кардани партовҳои коркарднашаванда ибрози назар намуда, ҳамзамон зикр кард, ки барои таҳкими ҳамкорӣ миёни Тоҷикистон ва Туркия дар масъалаи ҳифзи муҳити зист имконияту иқтидорҳои истифоданашуда вуҷуд доранд. Мурат Курум ба ҷониби Тоҷикистон барои даъват ҷиҳати боздид аз павилиони Осиёи Марказӣ, ки дар ҳошияи Конфронси 26-уми СММ оид ба тағйирёбии иқлим дар шаҳри Глазгои Британия созмон дода шудааст ва ташкили мулоқоти дуҷониба арзи сипос намуд.
Аксҳо аз Кумитаи ҳифзи муҳити зисти назди Ҳукумати ҶТ
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
Дар Тоҷикистон дар 25 соли охир ҳаҷми истеҳсоли маҳсулоти кишоварзӣ 122 баробар афзоиш ёфтааст
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
