Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид

Декабрь 30, 2021 11:35

ДУШАНБЕ, 30.12.2021. /АМИТ «Ховар»/. Бо мақсади таъмини фаровонии дастархони мардум дар арафаи Соли нави 2022 дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид. Ярмаркаи мазкур бо ибтикори мақомоти иҷроияи ҳокимияти давлатии вилояти Суғд давоми ду рӯз- 30-31 декабр баргузор мегардад, иттилоъ доданд аз хадамоти матбуоти Раиси вилояти Суғд.

Имрӯз дар маркази вилоят ярмарка-фурӯши маҳсулоти кишоварзӣ оғоз ёфта, дар он картошка, пиёз, биринҷ, сабзӣ, равған, шакар, орд, гӯшти гову гӯсфанд, гӯшти паранда, гӯшти моҳӣ, сабзавоту полезиҳо, меваҳои гуногун, маҳсулоти нониву гӯштӣ, шириниву консерва, нӯшокиҳо, туҳфаҳои солинавӣ бо нархҳои нисбат ба бозор арзон пешниҳоди мардум карда шуд.

Раиси вилоят Раҷаббой Аҳмадзода аз ярмаркаи мазкур дидан карда,  иброз намуд, ки бо мақсади таъмини иҷрои супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин ярмаркаҳо мунтазам гузаронида мешаванд.

Раиси вилоят ба масъулин супориш дод, ки танзими нархи маҳсулоти пешниҳодшавандаро зери назорат қарор дода, барои дар сатҳи баланд гузаронидани ярмаркаҳо дар шаҳрҳои мазкур чораҷӯӣ намоянд.

АКС аз МИҲД Суғд

Декабрь 30, 2021 11:35

Хабарҳои дигари ин бахш

Дар Швейтсария либосҳои миллӣ ва ҳунарҳои мардумии Тоҷикистон муррифӣ шуданд
САҲМ ГУЗОШТАН ДАР ОБОДОНИИ ВАТАН НИЗ ИБОДАТ АСТ. Сокини ноҳияи Айнӣ ба ҷойи адои ҳаҷҷи фарзӣ барои ҳамдеҳагонаш пули дарозиаш 6 метр сохт
Имрӯз дар Тоҷикистон ҳаво 23 дараҷа гарм мешавад
Дар ноҳияи Фирдавсии шаҳри Душанбе ташкилоти ҳизбии «Арвис» таъсис ёфт
Дар Суғд таҳкими муносибатҳои дӯстонаи Тоҷикистон ва Русия баррасӣ гардид
«ШАҲРИ МАН – ХОНАИ МАН». Дар ноҳияи Шоҳмансури шаҳри Душанбе 15 000 бех гули ороишии мавсимӣ шинонида шуд
Имрӯз дар Тоҷикистон ҳаво тағйирёбандаи бебориш мешавад
Дар Кумитаи ҳолатҳои фавқулода бо намояндаи Агентии давлатии назорати молиявӣ ва мубориза бо коррупсияи Тоҷикистон вохӯрӣ доир гардид
Имрӯз дар Тоҷикистон ҳаво 24 дараҷа гарм мешавад
Гурӯҳҳои корӣ ба сокинони шаҳри Роғун муҳтавои суханронии Президенти Тоҷикистон муҳтарам Эмомалӣ Раҳмонро фаҳмониданд
Дар Донишгоҳи давлатии Хоруғ бахшида ба Рӯзи ҳифзи пиряхҳо омӯзиши илмӣ – назариявӣ баргузор гардид
Имрӯз дар Тоҷикистон ҳавои тағйирёбандаи бебориш мешавад