Дар Тоҷикистон низоми омори сайёҳӣ бо ҷалби коршиносони байналмилалӣ такмил дода мешавад
ДУШАНБЕ, 06.12.2021. /АМИТ «Ховар»/. Кумитаи рушди сайёҳӣ низоми омори сайёҳии Тоҷикистонро бо ҷалби коршиносони байналмилалии Созмони ҷаҳонии сайёҳӣ такмил медиҳад. Масъалаи мазкур дар ҷаласаи навбатии гурӯҳи корӣ оид ба такмили омори сайёҳӣ, ки бо иштироки коршиноси Созмони ҷаҳонии сайёҳӣ Дамиано де Маркӣ баргузор шуд, баррасӣ гардид, хабар медиҳад АМИТ «Ховар».
Дар кори ҷаласа масъулини Кумитаи рушди сайёҳӣ, Агентии омор, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Бонки миллии Тоҷикистон, Сарраёсати консулии Вазорати корҳои хориҷӣ ва коршиноси байналмилалии Созмони ҷаҳонии сайёҳӣ самаранокии низоми ёридиҳандаи омори сайёҳиро матраҳ карданд. Кори ҷаласа ду рӯз давом меёбад.
Бояд тазаккур дод, ки бо мақсади такмили омори сайёҳӣ Кумитаи рушди сайёҳӣ ҳамкориро бо ниҳодҳои байналмилалии молиявӣ тақвият дода, бо кумаки техникии Бонки Осиёии Рушд ва ҷалби коршиносони Созмони ҷаҳонии сайёҳӣ Низоми ёридиҳандаи омори сайёҳӣ TSA (Tourism Satellite Account) ҷорӣ карда мешавад.
Низоми мазкур қисми ёридиҳандаи низоми омори миллӣ буда, нишондиҳандаҳои соҳаро дар сохтори Маҷмӯи маҳсулоти дохилӣ муайян хоҳад кард.
Дар назар аст, ки бо мақсади ба роҳ мондани ҳамкории зич ва ҷамъоварии саривақтии омори сайёҳӣ миёни ниҳодҳои дахлдор ёддошти тафоҳум ба имзо расонида шавад.
АКСҲО: Кумитаи рушди сайёҳӣ
Дурнамои ҳамкории Донишгоҳи байналмилалии сайёҳӣ ва соҳибкории Тоҷикистон бо ширкати нидерландии EISIVIER баррасӣ гардид
Дар Душанбе Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мешавад
«ITB Berlin 2026». Дар доираи намоишгоҳ ширкатҳои сайёҳии Тоҷикистон беш аз 20 шартномаи ҳамкорӣ ба имзо расониданд
РУШДИ САЙЁҲӢ. Резервати биосферии «Ромит» ба макони писандидаи сайёҳон табдил ёфтааст
ИМКОНОТИ САЙЁҲӢ ДАР ЗАМИНАИ АРЗИШҲОИ ҶАШНИ БАЙНАЛМИЛАЛИИ НАВРӮЗ. Назаре ба муаррифии маконҳои сайёҳӣ
Дар Донишгоҳи байналмилалии сайёҳӣ ва соҳибкории Тоҷикистон Рӯзи Модар бошукуҳ таҷлил карда шуд
Масато Канда бо имконоти таълимӣ ва инфрасохтори муосири Донишгоҳи байналмилалии сайёҳӣ ва соҳибкории Тоҷикистон шинос шуд
Иқтидори сайёҳии Тоҷикистон дар Намоишгоҳи байналмилалии сайёҳии «ITB Berlin 2026» муаррифӣ мегардад
Дар Машҳад имкониятҳои сайёҳии Тоҷикистон муаррифӣ шуданд
Ховалинг – минтақаи сайёҳӣ. Соли 2025 ёдгориҳои таърихиву фарҳангии ноҳияро 73 ҳазору 90 сайёҳ тамошо кардааст
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
