Дастаҳои ноҳияҳои Ашту Файзобод ва шаҳри Кӯлоб ғолибони Мусобиқаи ҷумҳуриявӣ оид ба волейбол шуданд

ДУШАНБЕ, 30.12.2021 /АМИТ «Ховар»/. Мусобиқаи ҷумҳуриявӣ оид ба волейбол миёни деҳаҳо ва маҳаллаҳои аҳолинишини шаҳру ноҳияҳои кишвар ҷамъбаст гардида, ҷои аввал насиби дастаи ноҳияи Ашт, ҷои дуюм насиби дастаи ноҳияи Файзобод ва ҷои сеюм насиби дастаи шаҳри Кӯлоб гардид. иттилоъ дод сардори Раёсати тарбияи ҷисмонӣ ва инкишофи варзиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Маҳмадуллозода ба шореҳи варзиши АМИТ «Ховар».

Мусобиқаи ҷумҳуриявӣ оид ба волейбол миёни деҳаҳо ва маҳаллаҳои аҳолинишини шаҳру ноҳияҳои кишвар бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба 30-солагии Истиқлолияти давлатии Ҷумҳурии Тоҷикистон  баргузор гардид,

Дар даври ниҳоии мусобиқа дастаҳои ғолиби даври вилоятии вилоятҳо ва шаҳру навоҳии тобеи марказ ширкат ва байни ҳам рақобат намуданд.

Дар фарҷоми мусобиқа  ба ғолибон медал, диплом, мукофотпулӣ ва Ҷоми мусобиқа супорида шуд.

                                                                                                                            АКС аз манбаъҳои боз