Евразия Daily: Кувайт ба Тоҷикистон дар рушди гидроэнергетика кумак менамояд
ДУШАНБЕ, 07.12.2021 /АМИТ «Ховар»/. Президенти Ҷумҳурии Тоҷикистон Эмомалӣ Раҳмон имрӯз бо Мудири кулли Бунёди Кувайт оид ба рушди иқтисоди кишварҳои араб Марван Абдуллоҳ-ал Ғоним масоили ҳамкории ду кишварро баррасӣ намуданд, хабар медиҳад хабаргузории Евразия Daily бо истинод ба хадамоти матбуоти Президенти Ҷумҳурии Тоҷикистон.
«Тоҷикистон ҷонибдори тавсеа ва густариши минбаъдаи ҳамкории гуногунҷанба бо кишвари дӯсту бародари Кувайт ва манфиатдори рушди ҳамкорӣ бо муассисаи муҳими молиявии он — Бунёди Кувайт оид ба рушди иқтисоди кишварҳои араб мебошад», — иқтибос овардааст агентӣ суханони Сарвари Тоҷикистонро, ки зимни мулоқот гуфта шуданд.
Дар иттилоия гуфта мешавад, ки Президенти Ҷумҳурии Тоҷикистон Эмомалӣ Раҳмон ва ал-Ғоним ҳамкорӣ дар бахшҳои тиҷоративу иқтисодӣ, сармоягузорӣ, саноатӣ, аз ҷумла татбиқи тарҳҳои гидроэнергетикӣ, инчунин металлургияи ранга, саноати сабук ва хӯрокворӣ, сохтмон, роҳу коммуникатсия ва сайёҳиро баррасӣ намуданд.
Бахшҳои судманди шарикӣ миёни ду давлатро ҷонибҳо мусоидат дар амалисозии барномаҳои инфиродӣ дар самтҳои кишоварзӣ, маорифу тандурустӣ, инчунин истихроҷ ва коркарди маъданҳо номиданд.
Саҳми Бунёди Кувайт оид ба рушди иқтисодии кишварҳои араб дар маблағгузории якчанд лоиҳаҳо дар Тоҷикистон, аз ҷумла амалӣ намудани 5 лоиҳа дар соҳаҳои нақлиёт ва энергетика, ки аз соли 2001 сурат мегирад, назаррас арзёбӣ гардид.
Президенти Тоҷикистон Эмомалӣ Раҳмон ва ал-Ғоним аз баргузории ҳамоиши соҳибкорон дар Тоҷикистон ва Кувайт, намоишгоҳҳои маҳсулоти кишоварзию саноатӣ ва дигар чорабиниҳои муштарак ҷонибдорӣ карданд.
АКС: Хадамоти матбуоти Президенти Ҷумҳурии Тоҷикистон
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
