Иззатулло Саидзода ва Сиобхан Маллалли доир ба баланд бардоштани сатҳи маърифати ҳуқуқии шаҳрвандон суҳбат намуданд

ДУШАНБЕ, 14.12.2021. /АМИТ «Ховар»/. 13 декабр Директори Маркази миллии қонунгузории назди Президенти Ҷумҳурии Тоҷикистон Иззатулло Саидзода бо Гузоришгари вижаи СММ оид ба масъалаҳои савдои одамон, махсусан занон ва кӯдакон хонум Сиобхан Маллалли вохӯрӣ анҷом дод. Дар ин бора аз шуъбаи иттилотии ҳуқуқӣ ва мураттабсозии  Маркази миллии қонунгузории назди Президенти Ҷумҳурии Тоҷикистон ба мухбири АМИТ “Ховар” хабар доданд.

Зимни вохӯрӣ оид ба қонунгузории Ҷумҳурии Тоҷикистон дар самти муқовимат ба савдои одамон ва расонидани кумак ба қурбониёни савдои одамон, баланд бардоштани сатҳи маърифати ҳуқуқии шаҳрвандон, инчунин ба роҳ мондани ҳамкорӣ бо мақомоти давлатӣ ва ташкилоти ҷамъиятӣ табодули афкор сурат гирифт.

АКС: Аз шуъбаи иттилотии ҳуқуқӣ ва мураттабсозӣ  Маркази миллии қонунгузории назди Президенти ҶТ