Нарендра Модӣ ба саммити ҷашнии СҲШ ва дигар чорабиниҳои байналмилалию минтақавӣ дар Тоҷикистон баҳои баланд дод
ДУШАНБЕ, 21.12.2021 /АМИТ «Ховар»/. Дирӯз дар Деҳлӣ зимни мулоқот бо вазирони корҳои хориҷии кишварҳои Муколамаи Ҳиндустон ва Осиёи Марказӣ Сарвазири Ҷумҳурии Ҳиндустон Нарендра Модӣ ба саммити ҷашнии 20-солагии сарони давлатҳои узви Созмони ҳамкории Шанхай (СҲШ) ва дигар чорабиниҳои байналмилалию минтақавӣ дар Тоҷикистон баҳои баланд дод. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Зимни мулоқот доир ба ҳолат ва дурнамои рушди муносибатҳои давлатҳо дар чаҳорчуби Муколамаи Ҳиндустон ва Осиёи Марказӣ ва масъалаҳои умдаи марбут ба вазъи кунунии минтақаю ҷаҳон ва дигар таҳдидҳои амниятӣ табодули афкор сурат гирифт.
Нарендра Модӣ аҳамияти рушди робитаҳои дуҷонибаю бисёрҷониба бо ҳар кишвари узви Муколамаро таъкид намуда, ба саммити ҷашнии 20-солагии сарони давлатҳои узви Созмони ҳамкории Шанхай ва дигар чорабиниҳои байналмилалию минтақавӣ дар Тоҷикистон баҳои баланд дод.
Вазири корҳои хориҷии Ҷумҳурии Тоҷикистон Сироҷиддин Муҳриддин бо дарназардошти таъсири пайомадҳои ҳамагирии COVID-19 ба иқтисодиёти кишварҳои узви Муколама, зарурати рушди ҳамкории байниминтақавӣ дар соҳаҳои тиҷорату иқтисод, саноат, энергетика, нақлиёт, илму маориф, тандурустӣ ва сайёҳиро таъкид намуд. Доир ба зарурати дарёфти роҳу усулҳои нави ҳамкории муштарак дар ин соҳаҳо таваҷҷуҳи хосса зоҳир гардид.
Дар поёни мулоқот изҳори умед шуд, ки натиҷаҳои нишасти сеюми Муколама ба таҳкими баъдии ин абзор ва расидан ба ҳадафҳои дарпешистода пурсамар хоҳад буд.
АКСҲО: ВКХ ҶТ
Сафири Тоҷикистон бо директори филиали Академияи хоҷагии халқ ва идоракунии давлатии Русия мулоқот намуд
Намояндаи Тоҷикистон дар ҷаласаи вазирони Барномаи махсуси СММ барои иқтисодиёти Осиёи Марказӣ иштирок намуд
Тоҷикистон ва Узбекистон ҳамкориро дар соҳаи бойгонӣ тақвият медиҳанд
Дар Кувайт масоили марбут ба норасоии захираҳои об ва роҳҳои истифодаи самараноку оқилонаи он баррасӣ гардид
Ҳамкории минтақаҳои Тоҷикистон ва вилояти Калинингради Русия баррасӣ шуд
Сафири Тоҷикистон бо муовини вазири корҳои хориҷии Давлати Кувайт мулоқот намуд
Подшоҳии Баҳрайн аз имзои санадҳои таърихӣ байни Тоҷикистон, Қирғизистон ва Узбекистон истиқбол намуд
Дар Женева дастовардҳои Тоҷикистон дар самти соддагардонии расмиёти савдо муаррифӣ карда шуд
Байни Ҷумҳурии Тоҷикистон ва Бонки Аврупоии Сармоягузорӣ Ёддошти тафоҳум ба имзо расид
Туркия аз имзои Шартномаи таърихии сеҷониба ва Эъломияи Хуҷанд доир ба дӯстии абадӣ истиқбол намуд
Давлати Кувайт Шартномаи таърихии сеҷониба ва Эъломияи Хуҷандро намунаи ибрат номид
Дар Женева Ҷашни байналмилалии Наврӯзро таҷлил намуданд
