Раиси Кумитаи давлатии идораи замин ва геодезӣ бо Сафири Подшоҳии Арабистони Саудӣ дар Тоҷикистон мулоқот намуд
ДУШАНБЕ, 03.12.2021 /АМИТ «Ховар»/. Рушди ҳамкорӣ дар соҳаи заминсозӣ ва геодезӣ 2 декабр зимни мулоқоти Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода бо Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид бин Абдурраҳмон ар-Рушайдон мавриди баррасии ҷонибҳо қарор гирифт, хабар доданд ба АМИТ «Ховар» аз Кумитаи идораи замин ва геодезӣ.
Зимни мулоқот ҷонибҳо татбиқи лоиҳаҳои муштарак дар самти гузаронидани таҳқиқоти калонҳаҷми хок ва баҳои иқтисодии замин, рушди таҳсили географӣ дар Ҷумҳурии Тоҷикистон, тақвияти соҳаи геодезӣ ва муҳандисӣ бо амалӣ намудани лоиҳаҳои сармоягузорӣ ва дигар масъалаҳои ба самти фаъолияти Кумитаи давлатии идораи замин ва геодезии Ҷумҳурии Тоҷикистон вобастаро баррасӣ намуданд.
Ориф Хоҷазода ин мулоқотро намунаи хуби муносибатҳои наздик ва дӯстона бо Подшоҳии Арабистони Саудӣ гуфта, афзуд, ки Кумитаи давлатии идораи замин ва геодезии Ҷумҳурии Тоҷикистон ба натиҷаҳои судманди он ва тақвияти минбаъдаи ҳамкорӣ омода аст.
Дар навбати худ Сафири Подшоҳии Арабистони Саудӣ дар Тоҷикистон барои пазироии самимӣ изҳори сипос намуда, иброз дошт, ки барои тавсеаи ҳамкории минбаъда имзои созишномаҳои ҳамкорӣ ба манфиати кор хоҳад буд.
АКС: Кумитаи идораи замин ва геодезии ҶТ
Сафири Тоҷикистон бо Мудири кулли Мақомоти федералии андози Амороти Муттаҳидаи Араб мулоқот намуд
Вазири корҳои хориҷии Тоҷикистон бо Сарвазири Гурҷистон вохӯрӣ намуд
Сироҷиддин Муҳриддин бо муовини Сарвазир, Вазири корҳои хориҷии Гурҷистон мулоқот намуд
Ҳамкории Тоҷикистон бо Бонки ҷаҳонӣ баррасӣ гардид
Дар Берлин нахустин Маркази инноватсионии зеҳни сунъӣ дар Осиёи Марказӣ бо дастгирии NVIDIA муаррифӣ гардид
Дурнамои ҳамкории Тоҷикистон бо Донишгоҳи давлатии аграрии Урали Ҷанубӣ баррасӣ шуд
Дар Душанбе оид ба дурнамои ҳамкории Тоҷикистон бо САҲА мубодилаи афкор доир шуд
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
