SIGAR ОНҲОРО ҶИНОЯТКОР ХОНД. Дафтари нозири генералии махсуси ИМА номи аъзои кабинаи вазирони «Толибон»*-ро, ки таҳти таҳрим қарор доранд, эълон кард
ДУШАНБЕ, 08.12.2021 /АМИТ «Ховар»/. Дафтари нозири генералии махсуси ИМА оид ба барқарорсозии Афғонистон (SIGAR) гузоришеро мунташир кард, ки дар он аъзои аршади ҳаракати «Толибон», ки таҳти таҳримоти Амрико қарор доранд, нишон дода шудаанд. Дар ин бора АМИТ «Ховар» бо истинод ба «REGNUM» хабар дод.
Ба гузориши дафтари минтақавии агентии иттилоотии «Тасним», дафтари сарбозраси махсуси ИМА оид ба барқарорсозии Афғонистон дар гузорише дар бораи кабинаи «Толибон» аз исми мансабдорони аршади ҳаракат, ки таҳти таҳримҳо қарор доранд, ном бурд.
Тибқи гузоришҳо, сарвазири «Толибон»* Муҳаммад Ҳасан Охунд ва муовинони ӯ Мулло Абдулғанӣ Бародар ва Абдуссалом Ҳанафӣ ба рӯйхати таҳримҳо шомил шудаанд
Дар гузориш ҳамчунин гуфта мешавад, ки муовини сарвазири «Толибон»* оид ба масъалаҳои сиёсӣ Мавлавӣ Абдулкабир, муовини вазири мудофиа Муҳаммадфозил Мазлум, раиси идораи муассисаҳои ислоҳӣ Нуриддини Торобӣ ва вазири корҳои дохила Сироҷиддин Ҳаққонӣ низ таҳти таҳрим қарор доранд.
SIGAR эълон кард, ки ба рӯйхати таҳримҳо ҳамчунин муовини вазири корҳои дохилии «Толибон»* оид ба амният Муҳаммад Иброҳим Садр, иҷрокунандаи вазифаи сардори хадамоти иктишофӣ Абдулҳақ Васиқ ва вазири корҳои хориҷии «Толибон»* Амирхон Муттақӣ шомил мебошанд.
Дафтари сарбозраси махсус таъкид мекунад, ки таҳримот бар зидди ин афрод барои аъмоли ҷиноӣ татбиқ шудааст.
_________________
* «Толибон» — ташкилоте, ки фаъолияташ дар Тоҷикистон мамнуъ аст
АКС аз манбаъҳои боз
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
