Сокинони Ҷамоати деҳоти Доғистони ноҳияи Шамсиддин Шоҳин корҳои ободонӣ ва ҳашарҳои дастҷамъона мегузаронанд

Декабрь 19, 2021 09:09

Ш.ШОҲИН, 19.12.2021 /АМИТ «Ховар»/. Бо дастгирӣ аз сиёсати созандаю бунёдкоронаи Ҳукумати Ҷумҳурии Тоҷикистон ва бахшида ба Солҳои рушди деҳот, сайёҳӣ ва ҳунарҳои мардумӣ бо ҷалби соҳибкорони маҳаллӣ дар деҳаи Шаҳри барбари Ҷамоати деҳоти Доғистони ноҳияи Шамсиддин Шоҳин бо истифода аз техникаҳои мавҷуда корҳои ободонӣ ва ҳашарҳои дастҷамъона гузаронида мешаванд, хабар медиҳад мухбири минтақавии АМИТ «Ховар».

Дар доираи ин тадбир барои ҳаракати мунтазам ва бехатарии воситаҳои наклиёт роҳҳои дорои аҳамияти маҳаллӣ сангфарш карда мешаванд.

Бино ба иттилои сокини деҳоти Доғистони ноҳия Тоҳир Назиров, роҳи Ҷамоати деҳоти Доғистон аз роҳи мошингарди асосӣ то маркази деҳот, ки беш аз 6 киллометрро ташкил медиҳад, аз нав ҳамвор ва сангфарш карда шудааст. Дар деҳаи Шаҳри барбари деҳоти мазкур низ сокинон икдом гирифтаанд, ки бо гузаронидани корҳои заминӣ роҳи маҳаллиро пурра сангфарш намоянд.

Баъди анҷоми корҳои пешбинишуда дар рӯзҳои бориши давраи зимистон ва мавсими баҳор ҳаракати нақлиёт дар ин роҳ осон мегардад.

Дар ин деҳоти ноҳия, ки сокинон асосан ба кишоварзӣ машғуланд, имрӯзҳо бо истифода аз боду ҳавои мусоид шудгор ва кишти тирамоҳии зироати кишоварзӣ идома дорад. Аз 190 гектар майдони умумии кишт дар деҳоти мазкур кишоварзон икдом гирифтаанд, ки дар майдони 80 гектар ғалла кишт кунанд.

Барои замина гузоштан ба ҳосили фаровон ва дар муҳлати хуби агротехникӣ ба анҷом расонидани маъракаи кишт имрӯзҳо бо истифода аз техникаи зарурӣ шудгори заминҳои барои кишти баҳорӣ пешбинишуда низ ҷараён дорад.

АКСҲО аз манбаъҳои боз

Декабрь 19, 2021 09:09

Хабарҳои дигари ин бахш

«IRS» бо мақсади пешгирии қонунвайронкунӣ дар масири Душанбе – Чанок гузаргоҳи назоратӣ таъсис дод
Ба соҳибкори муваффақи тоҷик аз ҷониби Президенти Қазоқистон Медали ҷашнӣ ва Ифтихорномаи фахрӣ супорида шуд
Дар Хатлон нахустин бозиҳои мусобиқаи кӯдаконаи футбол баргузор шуданд
НАҚЛИЁТИ «САБЗ». Ба Тоҷикистон 6047 мошини барқӣ ворид карда шудааст
Кӯчати мағзи устухон дар ҳолати саратони хун ва бемориҳои гематологӣ дар шабакаи клиникаҳои «Acıbadem»
Имрӯз дар шаҳри Душанбе ҳаво то 31 дараҷа гарм мешавад
Барои барқарор намудани чарогоҳҳои водии Рашт 20 намуди тухмиҳои бутта ва дарахтон парвариш карда мешаванд
Дар Ҳисор маҳфил – озмуни «Тоҷикистони ман!» оғоз гардид
Имсол дар Хатлон қариб 500 ҳазор тонна пиёз ҷамъоварӣ карда мешавад
Дар шаҳраки Обшорони ноҳияи Мастчоҳ татбиқи лоиҳаи обрасонӣ оғоз ёфт
Имрӯз дар водиҳои Тоҷикистон ҳаво то 34 дараҷа гарм мешавад
ҲАФТАИ ИЛМ – 2025. Донишгоҳи байналмилалии сайёҳӣ ва соҳибкории Тоҷикистон аз муҳимтарин дастовардҳо натиҷагирӣ намуд