Сокинони Ҷамоати деҳоти Рӯдакии ноҳияи Восеъ соҳиби майдончаи варзишӣ мегарданд

Декабрь 29, 2021 08:35

ДУШАНБЕ, 29.12.2021 /АМИТ «Ховар»/. Моҳҳои аввали соли 2022 дар Ҷамоати деҳоти Рӯдакии ноҳияи Восеи вилояти Хатлон бо ташаббуси Ҷамъияти Ҳилоли Аҳмари Тоҷикистон майдончаи варзишӣ барои бозии футбол ба истифода дода мешавад, ки ҳадафи он тарғибу ташвиқи тарзи ҳаёти солим ва оммавигардонии варзиш миёни наврасону ҷавонон мебошад. Дар ин бора ба АМИТ «Ховар» аз Ҷамъияти Ҳилоли Аҳмари Тоҷикистон хабар доданд.

Корҳои сохтмонӣ дар иншооти варзишӣ, ки дар асоси тендер аз ҷониби ширкатҳои ватанӣ ба роҳ монда шудаанд, моҳи сентябри соли равон оғоз гардида, 90 дарсади он бо сатҳу сифати баланд ба сомон расидаанд.

Майдонча дар асоси лоиҳа бо усули муосири меъморӣ дар масоҳати зиёда аз 900 метри мураббаъ сохта мешавад.

Иқдоми мазкур  ба ташвиқу тарғиби ҳаёти солим ва оммавигардонии варзиш дар Тоҷикистон заминаи устувор фароҳам оварда, дар ташаккули ҷисмонию маънавии насли наврасу ҷавон нақши назаррас хоҳад гузошт.

Аҳолии Ҷамоати деҳоти Рӯдакӣ қариб 10 ҳазор нафар буда, аз ин теъдод 35-40%-ро ҷавонон ташкил медиҳанд.

Ҳамчунин бо ташаббуси ҶҲАТ соли равон дар Ҷамоати деҳоти Мирзоалӣ Вайсови ноҳияи мазкур муассисаи таҳсилоти умумии №28 мутобиқ ба талаботи муосир таъмир гардида, мавриди истифода қарор дода шуд.

Мактаби мазкур соли 1990 бунёд шуда, аз 2 ошёна, утоқҳои роҳбарият, 22 синфхона, озмоишгоҳ ва китобхона иборат мебошад ва дар он 1351 нафар хонанда дар ду баст таҳсил менамоянд.

Инчунин аз ҷониби ҶҲАТ чоҳи амудии шафати муассисаи таҳсилоти умумии №28 таъмир гардид, ки муассисаи мазкур ва зиёда аз 250 хоҷагии ҷамоатро бо оби нушокӣ таъмин менамояд.


АКСҲО: Ҷамъияти Ҳилоли Аҳмари Тоҷикистон

Декабрь 29, 2021 08:35

Хабарҳои дигари ин бахш

Дар Душанбе Мусобиқаи байналмилалӣ оид ба теннис ҷараён дорад
ФУТБОЛ. Дастаи мунтахаби наврасони Тоҷикистон (U-16) дар мусобиқаи рушди УЕФА дар Македонияи Шимолӣ ширкат мекунад
Дар Владивосток Бозиҳои байналмилалии варзишии «Кӯдакони Осиё-2022» баргузор мегарданд
ФУТБОЛ. Замони баргузории бозиҳои даври чоруми Чемпионати Тоҷикистон миёни дастаҳои Лигаи олӣ муайян шуд
ЛИГАИ ЧЕМПИОНҲОИ КФО. «Истиқлол» натавонист дар ин бозии муҳим бар дастаи «Ал-Ҳилол»-и Арабистони Саудӣ ғолиб ояд
ЛИГАИ ЧЕМПИОНҲОИ КФО. Имрӯз «Истиқлол» бо дастаи «Ал-Ҳилол» -и Арабистони Саудӣ бозӣ мекунад
ФУТБОЛ. «Равшан» ва «Хатлон» дар даври сеюми Чемпионати Тоҷикистон миёни дастаҳои Лигаи олӣ ғолиб омаданд
Паҳлавонони тоҷик дар Чемпионати Осиё оид ба гӯштини тарзи озод ва юнонӣ-римӣ иштирок мекунанд
ЛИГАИ ЧЕМПИОНҲОИ КФО-2022: «Истиқлол» аз «Ал-Ҳилол» шикаст хӯрд
ЛИГАИ ЧЕМПИОНҲОИ КФО. Имрӯз «Истиқлол» бо дастаи футболи «Ал-Ҳилол» бозӣ мекунад
Дар Хоруғ мусобиқаи вилоятӣ оид ба таэквондо доир гардид
ФУТБОЛ. Замони баргузории бозиҳои даври сеюми Чемпионати Тоҷикистон дар Лигаи олӣ муайян гардид