Дар вилояти Суғд озмуни вилоятии «Оила, кӯча, маҳалла, деҳа, деҳот ва шаҳраки беҳтарин» ҷамъбаст гардид
ДУШАНБЕ, 12.01.2022 /АМИТ «Ховар»/. Дар вилояти Суғд озмуни вилоятии «Оила, кӯча, маҳалла, деҳа, деҳот ва шаҳраки беҳтарин» ҷамъбаст гардида, ғолибони бахшҳои озмун бо Диплому мукофотпулиҳои мақомоти иҷроияи ҳокимияти давлатии вилоят дар ҳаҷми аз 1 000 то 6 000 сомонӣ қадрдонӣ шуданд, иттилоъ доданд ба АМИТ «Ховар» аз хадамоти матбуоти Раиси вилояти Суғд.
Дар маросими қадршиносии ғолибони озмун муовини якуми Сарвазири мамлакат Давлаталӣ Саид ва Раиси вилоят Раҷаббой Аҳмадзода иштирок намуданд.
Тибқи баҳогузории ҳакамон, дар бахши «Оилаи беҳтарин» оилаи Абдуҳафиз Ҷабборов, сокини деҳоти Хистеварзи ноҳияи Бобоҷон Ғафуров бо Дипломи дараҷаи 1, вимпел ва мукофот ба маблағи 3 000 сомонӣ, оилаи Муҳтарам Алимова, сокини маҳаллаи Мевағули шаҳри Хуҷанд бо Дипломи дараҷаи 2 ва мукофот ба маблағи 2 000 сомонӣ ва оилаи Ғобилҷон Бобоев — сокини маҳаллаи Сои Зебони шаҳри Панҷакент бо Дипломи дараҷаи 3 ва маблағи 1 000 сомонӣ сарфароз гардонида шуданд.
Дар бахши «Кӯчаи беҳтарин» кӯчаи «Ҷавонӣ»-и маҳаллаи 3-юми шаҳри Гулистон, кӯчаи ба номи Маҳмуд Мирбобоеви маҳаллаи Масҷиди Саври шаҳри Хуҷанд ва кӯчаи ба номи Исмоили Сомонии шаҳраки Шайдони ноҳияи Ашт, дар бахши «Маҳаллаи беҳтарин» маҳаллаи «Мевағул»-и шаҳри Хуҷанд, маҳаллаи «Чорум»-и шаҳри Гулистон ва маҳаллаи «Озодӣ»-и шаҳри Бӯстон, дар бахши «Деҳаи беҳтарин» деҳаи Зерободи деҳоти Дар-Дари ноҳияи Айнӣ, деҳаи Навбаҳори деҳоти ба номи Абдураҳмон Ҷомии ноҳияи Зафаробод ва деҳаи Нови деҳоти ба номи Турсун Ўлҷабоеви ноҳияи Спитамен, дар бахши «Деҳоти беҳтарин» Ҷамоати деҳоти Ворухи шаҳри Исфара, деҳоти Унҷии ноҳияи Бобоҷон Ғафуров ва деҳоти Деҳмойи ноҳияи Ҷаббор Расулов, дар бахши «Шаҳраки беҳтарин» шаҳраки Истаравшани шаҳри Истаравшан, шаҳраки Шӯроби шаҳри Исфара ва шаҳраки Ғончии ноҳияи Деваштич ғолиб дониста шуданд.
Ҳамчунин ноҳияи Ашт барои нишондиҳандаҳои назаррас «Беҳтарин ноҳияи кишоварзӣ»-и вилояти Суғд дар соли 2021 дониста шуд.
АКС аз хадамоти матбуоти Раиси вилояти Суғд
СОЛИ 2026 – СОЛИ ТАЪРИХӢ БАРОИ ХАЛҚИ ТОҶИКИСТОН. Сарзамини куҳанбунёд, аммо тозаистиқлоли мо 35-сола мешавад
Маҷлиси Ҳукумати Ҷумҳурии Тоҷикистон баргузор гардид
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
