«ОМӮЗГОР — ЧАРОҒИ РӮЗГОР». Дар ҳошияи Паёми Пешвои миллат китоби нав интишор гардид
ДУШАНБЕ, 23.01.2022 /АМИТ «Ховар»/. Аз ҷониби Донишгоҳи давлатии омӯзгории Тоҷикистон ба номи Садриддин Айнӣ китоби «Омӯзгор-чароғи рӯзгор» таҳия ва нашр гардид, хабар доданд ба АМИТ «Ховар» аз Донишгоҳи омӯзгорӣ.
Китоб ба хотири нишон додани дастовардҳои соҳаи маориф дар замони истиқлол, мушкилот ва дурнамои соҳа, ки дар Паёми имсолаи Президенти Тоҷикистон таъкид шудаанд, инчунин ҷойгоҳи омӯзгор дар ҷомеаи муосир нашр гардида, фарогири се бахш аст.
Дар китоби мазкур симои омӯзгор, масъалаҳои мубрами таълиму тарбия ва илму маориф дар партави суханрониҳо, паёмҳо ва таълифоти Президенти Ҷумҳурии Тоҷикистон муҳтарам Эмомалӣ Раҳмон бахшида ба Рӯзи дониш дар Донишгоҳи давлатии омӯзгории Тоҷикистон ба номи Садриддин Айнӣ инъикос шудаанд. Муҳимияти суханрониҳои Сарвари давлат дар он зоҳир мегарданд, ки зимни ироаи онҳо масъалаҳои мубрами мактабу маориф, роҳҳои бурунрафт аз мушкилоти мавҷуда ва дурнамои соҳа бо дидгоҳи нав мавриди баррасӣ қарор гирифтаанд.
Силсилаи мақолаҳои ҳайати профессорону омӯзгорони ДДОТ ба номи С.Айнӣ, бавижа мақолаҳои профессорон Нуъмонҷон Ғаффорӣ ва Саидмуроди Хоҷазод «Сифатҳои воло ва самараи мактаби давлатдории Пешвои миллат», Рухшона Восиева «Нақши муассири Пешвои миллат дар рушди илму маориф», Бобоҷон Самиев «Омӯзгор – шахсияти калидии низоми таълиму тарбия дар ҷомеаи муосир», Абдусамад Муллоев «Шахсият, симо ва мақоми омӯзгор», Акобир Мирзораҳимов ва Тоҳирҷон Сатторов «Таваҷҷуҳ ба тавсеа ва рушди илмҳои табиӣ -риёзӣ ва дақиқ дар паёмҳои Пешвои миллат» доир ба нақшу ҷойгоҳи омӯзгор дар ҷомеа дар китоб фароҳам омада, қисмате аз онҳо масъалаҳои меҳварии соҳаро дар партави суханрониҳо, таълифот ва Паёмҳои Пешвои миллат ба риштаи пажӯҳиш кашидаанд.
Китоб барои устодон, муаррихон, пажӯҳишгарон, кормандони соҳаи маориф, хизматчиёни давлатӣ, унвонҷӯён, донишҷӯён ва доираи васеи хонандагон пешбинӣ шудааст.
АКС: ДДОТ ба номи С.Айнӣ
Ғолибони озмунҳои ҷумҳуриявӣ дар ноҳияи Рӯдакӣ бо туҳфаҳо қадрдонӣ гардиданд
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
Корманди Донишгоҳи давлатии ҳуқуқ, бизнес ва сиёсати Тоҷикистон дар озмуни «Фурӯғи субҳи доноӣ китоб аст» ҷойи якумро соҳиб шуд
Дар Озмуни ҷумҳуриявии «Фурӯғи субҳи доноӣ китоб аст» 4 довталаб соҳиби Шоҳҷоиза шуд
«ФУРӮҒИ СУБҲИ ДОНОӢ КИТОБ АСТ». Дар даври ниҳоии озмуни ҷумҳуриявӣ 94 нафар ғолиб гардид
Дар Эрон Фестивали байналмилалии «Фаҷр» баргузор гардид
Пагоҳ маросими ҷоизасупории Озмуни ҷумҳуриявии «Фурӯғи субҳи доноӣ китоб аст» баргузор мегардад
Сокинони шаҳри Бӯстон соҳиби туҳфаи арзандаи Пешвои миллат — «Шоҳнома»-и Ҳаким Фирдавсӣ мегарданд
