«ОТАШИ ҶАШНИ САДА ОТАШИ МЕҲРИ ВАТАН АСТ!». Таҳти чунин унвон дар нашриёти «Ирфон» конференсияи илмӣ-адабӣ доир гардид

Январь 28, 2022 13:16

ДУШАНБЕ, 28.01.2022 /АМИТ «Ховар»/. Имрӯз бахшида ба ҷашни бостонии Сада ва муаррифии нақшаи чопи китоб дар Муассисаи нашриявии «Ирфон» таҳти унвони «Оташи ҷашни Сада оташи меҳри Ватан аст» бо иштироки намояндагони илму адаб конференсияи илмӣ-адабӣ баргузор гардид, иттилоъ доданд ба АМИТ «Ховар» аз муассисаи мазкур.

Зимни ифтитоҳи конференсия директори  Муассисаи нашриявии «Ирфон» Қурбон Ғуломзода иброз дошт, ки Сада мисли Наврӯзу Меҳргон аз ҷашнҳои миллии ориёитаборон ба шумор рафта, онро ҳар сол мардуми тоҷик дар баҳман- моҳи 11-уми солшумории шамсӣ, ки ба 21 январ-20 феврал рост меояд, ҷашн мегиранд. Сада- ин пирӯзии рӯшанӣ бар зулмот, гармӣ бар сардӣ, некӣ бар бадӣ буда, панҷоҳ шабонарӯзро то фарорасии Наврӯз дар бар мегирад.

«Ҷашни Сада оғозбахши мавсими нави кор барои мардуми заҳматқарин мебошад. Дар ин ҳангом техника таъмир гардида, ба мавсим тайёр карда мешавад. Дар анборҳо маводи сўзишворӣ, нуриҳои минералию органикӣ захира мегарданд. Яхобмонии баъзе қитъаҳои замин ба роҳ монда мешавад. Хулоса дар мавсими Сада деҳқон ба такопӯ даромада, ба баҳор омодагӣ мегирад»,-зикр намуд Қурбон Ғуломзода.

Нависанда Садриддин Ҳасанзода изҳор намуд, ки «мувофиқи ривояти «Шоҳнома» Ҳушанг шоҳи сулолаи Пешдодиён, асосгузори ҷашни Сада мебошад. Гӯё Ҳушанг ҳамроҳи дарбориёнаш дар саҳро ба море дучор  мешаваду сӯйи мор санг меандозад. Санг ба санги дигар бархӯрда, аз он оташак меҷаҳад ва ҳамин тавр оташ кашф мегардад».

Зимни конференсияи илмӣ-адабӣ оид ба таҷлили Сада нависанда Саидмурод Рабизода аз таърихи ин иди бостонӣ мисол оварда, гуфт, ки «Сада чун идҳои Наврӯзу Меҳргон яке аз ҷашнҳои басо қадимии мардуми ориёинажод  буда, дар аҳди қадим хеле мутантану пуршукӯҳ, бо шодию сурур, оташафрӯзию гулханфурӯзӣ, рақсу тарона ва оростани хони пурнозу неъмат ҷашн гирифта мешуд. Дар осори илмию фарҳангии абармандони тоҷику форс Абурайҳони Берунӣ, Абулқосим Фирдавсӣ, Наршахӣ ва дигарон оид ба иду ҷашнҳои мардумӣ маълумоти ҷолибу рангин ва муфассал мавҷуданд. Таҷлили ҷашну суннатҳои мардумию миллии тоҷик, аз қабили Сада, Наврӯз, Меҳргон барои аз нав эҳё намудану ба наслҳои оянда мерос гузоштани онҳо қарзи ҳар фарди тоҷик — онҳоест, ки ин Ватанро дӯст медоранду худро вориси ояндаи он мешуморанд».

Дар идомаи кори ҳамоиш аз ҷониби китобдори муассиса оид ба ҷашни Сада ва китобҳои тозанашр намоиш ташкил гардида, инчунин хулосаи библиографӣ дода шуд.

Январь 28, 2022 13:16

Хабарҳои дигари ин бахш

Дар Тоҷикистон ҳавои тағйирёбандаи бебориш пешгӯӣ мешавад
ҲИСОББАРОБАРКУНИҲОИ ҒАЙРИНАҚДӢ. Дар Вазорати рушди иқтисод ва савдо доир ба дарёфти роҳҳои ҳалли мушкилиҳои ҷойдошта дар ин самт ҷаласа доир гардид
СОЛИ МАЪРИФАТИ ҲУҚУҚӢ. Дар Хоруғ аз ҷониби гурӯҳи корӣ Кодекси андози Ҷумҳурии Тоҷикистон дар таҳрири нав шарҳ дода шуд
Дар шаҳри Норак вобаста ба баланд бардоштани маърифати ҳуқуқии ҷавонон вохӯрӣ доир гардид
Дар ноҳияи Рӯшон омодабошии нерую воситаҳои ҳудудӣ ва захираи сафарбарӣ мавриди санҷиш қарор дода шуд
Дар Душанбе тавсеи ҳамкорӣ байни Маркази тадқиқоти стратегии Тоҷикистон ва Академияи илмҳои ҷамъиятии Чин баррасӣ гардид
Имрӯз дар баъзе ноҳияҳои Тоҷикистон хавфи омадани сел боқӣ мемонад
ТАЪМИНИ АМНИЯТИ ОЗУҚАВОРӢ. Ба хоҷагиҳои кишоварзии шаҳри Норак 61 адад техникаи муосири кишоварзӣ дастрас гардид
Дар шаҳри Хоруғ 120 нақлиёти мусофирбари таксӣ ба фаъолият шуруъ кард
Дар Суди Олии иқтисодӣ Рӯзи Ваҳдати миллиро ботантана таҷлил намуданд
Дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд