Сафири Тоҷикистон дар Узбекистон бо Директори генералии ширкати «Nobel Pharmsanoat» мулоқот намуд
ДУШАНБЕ, 28.01.2022 /АМИТ «Ховар»/. 28 январ Сафири Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода аз ширкати истеҳсолии дорусозии «Nobel Pharmsanoat» дидан намуда, бо Директори генералии он Кюршат Женк Четин вохӯрд, хабар медиҳад АМИТ «Ховар» ба истинод ба Сафорати Тоҷикистон дар Узбекистон.
Дар ҷараёни суҳбат ҷонибҳо ҷиҳати рушди ҳамкорӣ миёни Ҷумҳурии Тоҷикистон ва ширкати «Nobel Pharmsanoat»-и Узбекистон изҳори назар намуданд.
Абдуҷаббор Раҳмонзода дар бораи Солҳои рушди саноат эълон гардидани солҳои 2022-2026 дар Ҷумҳурии Тоҷикистон ва имконияти минтақаҳои озоди иқтисодии Тоҷикистон маълумоти муфассал пешниҳод намуда, даъват намуд, ки ҷиҳати таъсиси корхонаи муштараки дорусозӣ иқдом гирифта шавад.
Кюршат Женк Четин миннатдории худро ҷиҳати дастгирии Сафорат барои кушодани намояндагии «Nobel Pharmsanoat» дар Ҷумҳурии Тоҷикистон баён намуда, рушди ҳамкориро бо Ҷумҳурии Тоҷикистон афзал шуморид.
Бояд гуфт, ки ширкати «Nobel Pharmsanoat» соли 1964 дар Туркия таъсис ёфта, айни замон панҷ корхонаи бузурги истеҳсолии он дар давлатҳои Туркия, Қазоқистон ва Узбекистон фаъолият менамоянд.
Ширкати мазкур кори худро дар Ҷумҳурии Узбекистон аз соли 2003 шурӯъ намуда, ба истеҳсоли 150 намуди дорувории муосир мутобиқи стандартҳои байналмилалии GMP машғул шуда, онҳоро ба бозори дохилӣ ва мамлакатҳои хориҷӣ содирот менамояд.
АКСҲО: Сафорати Тоҷикистон дар Узбекистон
Низоми бераводид байни Тоҷикистон ва Молдова нигоҳ дошта мешавад
Сафири Тоҷикистон бо Дабири кулли Ассамблеяи парлумонии Осиё мулоқот намуд
Сафорати Тоҷикистон дарҳояшро барои хонандагони Москва боз намуд
Сафири Тоҷикистон бо ҳамоҳангсози доимии СММ дар Арабистони Саудӣ мулоқот намуд
Дар Ашқобод нишасти матбуотӣ оид ба омодагӣ ба Конфронси байналмилалии об баргузор гардид
Ҳолати кунунии муносибатҳои Тоҷикистону Таиланд баррасӣ гардид
Масоили тавсеа ва рушди муносибатҳои мутақобили судманд байни Тоҷикистону Австрия баррасӣ шуд
Шараф Шерализода дар Барселона бо намояндагони ниҳодҳои Испания мулоқот намуд
Ҳамкории Тоҷикистон ва Конфедератсияи Швейтсария баррасӣ гардид
Сафири Тоҷикистон бо муовини раиси Девони вазирони Туркманистон оид ба нақлиёт ва коммуникатсия мулоқот намуд
Дар Шуша ҷаласаи 7-уми вазирони Созмони ҳамкории иқтисодӣ оид ба сайёҳӣ баргузор гардид
Зарурати тақвияти ҳамкории сармоягузорӣ байни Тоҷикистон ва иёлоти Ютаи Амрико таъкид шуд
