Сирри барқвор паҳн шудани «омикрон» ошкор шуд
ДУШАНБЕ, 26.01.2022 /АМИТ «Ховар»/. Штамми коронавируси «омикрон» аз сабаби зинда мондани он дар баъзе сатҳҳо зуд паҳн мегардад, чунин мегӯянд олимони Донишгоҳи тиббии Киотои Ҷопон. Тавре АМИТ «Ховар» хабар медиҳад, натиҷаи пажӯҳиши онҳо дар портали Biorxiv нашр шудааст.
Ба гуфтаи коршиносон, мутатсияи нави SARS-CoV-2 қодир аст дар ашёи пластикӣ ва пӯсти инсон нисбат ба нусхаҳои қаблии вирус хеле дарозтар зиндагӣ кунад. Илова бар ин, зикр карда мешавад, ки «омикрон» метавонад муддати тӯлонитар сирояткунанда боқӣ монад.
Дар пластик муҳлати миёнаи мавҷудияти ҳадди охири вирус 56 соатро ташкил дод. «Делта» 114 соат боқӣ мондааст. «Омикрон» тавонист дар рӯи чунин ашё тақрибан 193,5 соат зиндагӣ кунад,- аниқ кардаанд олимон.
Дар намунаҳои пӯсти ҷасадҳо SARS-CoV-2-и аввалин 8,6 соат ва мутатсияи охирин 21,1 соат мавҷуд будааст.
Тавре муҳаққиқон тахмин мекунанд, аз як тараф маҳз бо ҳамин сабабҳо “омикрон” намудҳои қаблии коронавирусро иваз карда, бо суръати барқвор ба афзоишёбӣ сар кард.
Мутатсияи B.1.1.529, ки бо номи штамми omicron низ маълум аст, охири моҳи ноябр дар Ботсвана ва Африқои Ҷанубӣ муайян карда шуд. Он даҳҳо тағйиротро дар S-протеини барои сирояти ҳуҷайраҳо зарурӣ дорост. Ба гуфтаи олимон, тағйироти зиёди геном аз интиқоли баланди ин намуд ва муқовимати он ба подтанҳои муҳофизатӣ шаҳодат медиҳанд.
Коршиносон бар ин назаранд, ки афроди аллакай беморшудаю ваксинагирифта низ метавонанд ба он мубтало шаванд ва нишонаҳои он аз хастагӣ то дарди сар ва дарди баданро дар бар мегиранд. «Омикрон» дар зиёда аз сад мамлакат, аз чумла кишварҳои ИДМ ошкор карда шудааст.
АКС: Reuters
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
