Ҳунарпешаи шоистаи Озарбойҷон Офоқ Аббосова ва яккасарои операи Италия Валерия Мела ба Душанбе меоянд
ДУШАНБЕ, 25.01.2022 /АМИТ «Ховар»/. Ҳунарпешаи шоистаи Озарбойҷон Офоқ Аббосова ва яккасарои операи Италия Валерия Мела, ки моҳи майи соли гузашта бо ҳунарнамоии бошукӯҳи худ тамошобини тоҷикро тасхир намуда буд, вориди Душанбе мешаванд, хабар медиҳад маркази матбуоти Театри давлатии академии опера ва балети Тоҷикистон ба номи Садриддин Айнӣ.
Ҳунарпешагон дар лоиҳаи байналмилалии «LA TRAVIATA» иштирок менамоянд.
«Ду яккасарои театр бо ҳунармандони Театри давлатии академии опера ва балети Тоҷикистон ба номи С. Айнӣ баромад менамоянд. Барномаро профессори консерваторияи Милан ба номи Ҷ. Верди маэстро Делфо Меникуччи дирижёрӣ менамояд. Эҷоди ҷовидонаи Ҷузеппе Верди – операи «Травиата»-ро ҳайати эҷодии театр ба забони асл омода карда истодааст», — хабар медиҳад манбаъ.
Ёдовар мешавем, ки Офоқ Аббосова- яккасарои варзидаи Театри давлатии академии опера ва балети Озарбойҷон, барандаи ҷоизаи байналмилалии ҷавонон «Иттиҳоди дебютҳо», ҷоизаи миллии «Хумай», ситораи дурахшон ва рамзи муосири операи Озарбойҷон буда, сафарҳои ҳунарии зиёде ба кишвархои Осиёи Марказӣ, Аврупо ва Америка кардааст. Номи ӯ аллакай дар Русия, Беларус, Австрия, Олмон, Фаронса, Велокобритания, Туркия, Юнон, ИМА, Гурҷистон, Қазоқистон, Молдова хеле маъмулу машҳур аст. Имсол дар Италия дар Театри операи Ҷузеппе Верди нахустнамоиши ҷаҳонии асари Отторино Респиги баргузор мешавад, ки Офоқ Аббосова дар он нақши асосиро иҷро мекунад.
«Сокинону меҳмонони пойтахт 26-27 феврал метавонанд аз эҷодиёти ҷовидонаи Ҷузеппе Верди — операи «Травиата» баҳра бардоранд. Чиптаҳоро метавон аз кассаи театр (221-62-91) ва сомонаи echipta.tj дастрас намуд», — хабар доданд аз театр.
АКС: Театри давлатии академии опера ва балети Тоҷикистон
Муҳаммадҷон Қосимов — ҳунарманде, ки нақшҳои офаридааш дар дилу ёдҳо нақш бастааст
Озмуни ҷумҳуриявии «Беҳтарин тасвир» байни наврасон гузаронида мешавад
Дар Душанбе маросими ҷоизасупорӣ ба кормандони телевизион, радио ва соҳаи алоқа баргузор гардид
Дар Намоишгоҳи байналмилалии «Китоби Теҳрон» 400 номгӯй китобҳои тозанашр аз Тоҷикистон пешниҳод шуданд
Китоби «Театр дар назди микрофон» ба нашр расид
Телевизионҳои Тоҷикистон дар ҳифзи фазои расонаӣ мавқеи устувор доранд
ЭЪЛОНИ ОЗМУНИ АКСҲО. «Рамзи дӯстии Чин ва Тоҷикистон- бинои Ҳукумат ва бинои Парлумони Тоҷикистон»
Фестивали байналмилалии театрҳои касбӣ «Наврӯз» ҷамъбаст гардид
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Дар Тоҷикистон барномаи рушди соҳаи алоқа таҳия карда мешавад
«ХОТИРА АЗ ҲОФИЗ». Ин намоиши байналмилалӣ ба 700-солагии Ҳофизи Шерозӣ бахшида шудааст
Фестивали байналмилалии театрҳои касбӣ «Наврӯз» ҷамъбаст карда мешавад
Дар Осорхонаи миллии Тоҷикистон намоиши асарҳои рассом ва муҷассамасози олмонӣ Гюнтер Уэкер баргузор мегардад
