Дар Хуҷанд мусобиқаи кушод аз намуди таэквон-до бахшида ба Рӯзи Артиши миллӣ ҷамъбаст гардид
ДУШАНБЕ, 23.02.2022 /АМИТ «Ховар/. Дар шаҳри Хуҷанд мусобиқаи кушод аз намуди таэквон-до (ВТФ) ҷамъбаст гардида, ғолибону ҷоизадорон ва бозингарони беҳтарин дар вазъияти тантанавӣ бо диплому медал ва туҳфаҳои хотиравӣ қадршиносӣ карда шуданд. Дар ин бора ба АМИТ «Ховар» дар маркази матбуоти Раиси шаҳри Хуҷанд хабар доданд.
Мусобиқа бахшида ба Рӯзи Артиши миллии Ҷумҳурии Тоҷикистон тибқи нақшаи чорабинии бахши кор бо ҷавонон ва варзиш доир гардида, дар он зиёда аз 150 нафар варзишгарон иштирок намуданд.
Тибқи низомнома, дар мусобиқа кадетҳои солҳои таваллудашон 2011-2015, наврасони солҳои таваллудашон 2008-2010 ва ҷавонони солҳои таваллуди 2005-2007 иштирок намуданд.
Мақсад аз баргузории мусобиқа- ин рушди намуди варзиши таэквон-до (ВТФ), ҷалби бештари наврасону ҷавонон ба тарбияи ҷисмонӣ ва варзиш, инчунин тарғиби тарзи ҳаёти солим мебошад.
АКС: маркази матбуоти Раиси шаҳри Хуҷанд
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
